Аметист

Од Википедија, слободната енциклопедија
Прејди на: содржини, барај
Кристален аметист.

Аметист е виолетов вариетет на кварцот, полускапоцен камен кој се користи за изработка на накит. Грците и Римјаните чашите за пиење ги правеле од аметист, бидејќи верувале дека нема да се опијат доколку го конзумираат алкохолот од тие чаши.[1] Комплексниот однос на железото и алуминиумот е одговорен за бојата. Го користеле и старите Египќани. Како минерал е широко распространет, но најубавите примероци погодни за накит се наоѓаат на релативно малку места.

Се наоѓа претежно во внатрешноста на вулканските карпи. Аметистот припаѓал во групата на најскапите украсни минерали, но цената му паднала откако во Бразил се пронајдени големи резерви.

Скапоцените камења и нивното влијание на човекот[уреди]

Накит од аметист.

Скапоцените и полускапоцените камења можат да влијаат на состојбата на човечкиот ум и тело. Ако се носат на телото или во близина на телото моќта на камењата влијаат на лечење или ублажување на психичките и физичките проблеми.[2] Аметистот е познат и како камен на среќата. Предизвикува смиреност, спокојство и помага при расеаност и главоболка. Аметистот штити од стрес, несоница и ментална напнатост.

Скапоцените камења и хороскопските знаци[уреди]

Се смета дека за секој хороскопски знак постои скапоцен камен кој му одговара. Така аметистот е камен кој се препорачува за следниве хороскопски знаци: овен, скорпија, стрелец, водолија и риби.

Надворешни врски[уреди]

perlenoire.mk (македонски)

Наводи[уреди]