Амброу

Амброу
Umbro
Трговско име	Umbro
Вид	Филијала
Дејност	Спортска индустрија; текстилна индустрија
Основано	23 мај 1924; пред 101 година во Вилмслоу, Англија
Основач	Харолд и Валас Хамфрис
Седиште	Манчестер, Англија
Опслужувани подрачја	Цел свет
Клучни личности	Ентони Литл; (Извршен директор)
Производи	Фудбалски топки, фудбалска опрема, копачки, спортска облека, опрема за рагби
Вработени	301
Матично претпријатие	Ајконикс бренд груп
Мреж. место	umbro.com

Амброу (англиски: Umbro) — англиски производител на спортска опрема основана во 1924 година во Вилмслоу. Неговото седиште се наоѓа во Манчестер, Англија.^[1]

Умбро ги снабдува со опрема фудбалските тимови како што се Велс, Норвешка, Канада, Република Ирска и клубови како Гамба Осака.

Умбро бил или е спонзор на големи играчи како Мајкл Овен, Џон Тери или Енди Керол, па дури и официјални натпревари како што е Купот на француската фудбалска лига со нејзината топка наречена „продиџи“.

Историја

Браќата Валас и Харолд Хемфрис го започнале својот бизнис во 1922 година во селото Моберли во близина на Вилмслоу, во Булс хед, семеен паб во сопственост на нивните родители. Валас и Харолд избрале привремено име „Облека на браќата Хемфрис“. Тие првично работеле во задната соба на пабот, а две години подоцна се преселили во работилница во Вилмслоу, град јужно од Манчестер.

Во 1924 година, за официјалното создавање на компанијата, двајцата браќа го избрале името Umbro, стопеница од зборовите Браќа Хемфрис: Um од Humphreys, Bro од Brothers.^[2]

Во 1930 година, Валас и Харолд во Вилмслоуосновале нова фабрика наречена Umbro Works on Water Lane. Оваа фабрика им служела како нивна административна и индустриска база.

Неколку години подоцна, во раните 1960-ти, седиштето од Вилмслоу го преселиле во Вајтеншоу, дистрикт во градот Манчестер.

Во 1999 година, седиштето и канцелариите на Умбро биле преселени во Чидл, град во предградието на Манчестер.

На 23 октомври 2007 година Умбро бил купен од Најк за 409 милиони евра со цел да го прошири своето влијание во Европа и во фудбалот.

Во октомври 2012, Најк ѝ го продал Амброу на американската група Ајконикс бренд груп (Iconix Brand Group) за сума од околу 230 милиони долари.^[3]Англискиот бренд е многу популарен, особено во првенството во Премиер лигата.

Во јуни 2013, една година по продажбата на Ајконикс, седиштето на брендот било преселено од Чидл во средиштето наМанчестер.

Лого

Логото на овој бренд се состои од два ромба кои ги претставуваат двајцата браќа Хемфри кои го основале брендот: големиот ромб го претставува Валас, постариот, а малиот го претставува Харолд, помладиот.