Алонсо де Охеда

Од Википедија — слободната енциклопедија
Прејди на прегледникот Прејди на пребарувањето
Алонсо де Охеда
Алонсо де Охеда
Роден(а)околу 1468
Шпанија
Починал(а)1515
Санто Доминго
НационалностШпанец
ЗанимањеИстражувач

Алонсо де Охеда (шпански: Alonso de Ojeda; роден меѓу 1466 и 1468 година во Куенка, умрел 1515 година во Санто Доминго) бил шпански морепловец и конквистадор. Ги истражувал подрачјата на Гвајана, Венецуела, Тринидад и Тобаго, Курасао, Аруба и Колумбија. Бил првиот Европјанец кој стапнал на тлото на Гвајана, Колумбија и подрачјето околу заливот Маракаибо (денес Венецуела), а нему му се припишува и етимологијата на името Венецуела, која ја истражувал двапати.

Биографија[уреди | уреди извор]

Алонсо де Охеда бил роден во 1468 година (според некои извори во 1466) во шпанскиот град Куенка, во сиромашно но аристократско семејство. Во младоста се истакнал како војник во битката за освајување на Гренада, поради што ја стекнал наклоноста на тогашниот бискуп на градот Бургос. Благодарение на бискупот, во септември 1493 година се придружил на експедицијата на Кристифор Колумбо, при второто патување во Америка, и стигнал до острвот Хиспаниола. Набрзо по доаѓањето на овој остров, Колумбо го поставил Охеда за гувернер на новооснованото утврдување Форт Санто Томас. Пред враќањето во Шпанија, 1496 година, Охеда се истакнал во борбите со локалните индијански племиња.

Прва експедиција во Венецуела[уреди | уреди извор]

Патувањето на Алонсо де Охеда.

По налог на католичките кралеви на 14 мај 1499 година Охеда повел своја експедиција со три каравели во Новиот свет. Меѓу членовите на неговата експедиција биле и шпанскиот морепловец и картограф Хуан де ла Коса и италијански навигатор Америго Веспучи. По испловувањето од Кадиз, флотилата пловела долж брегот на Западна Африка кон Зелено`ртските Острви, а потоа тргнале по истата патека што ја користел Колумбо на своето трето патување. По пристигнувањето во Јужна Америка, каравелата на Веспучи се одвоила и го продолжила патот кон Бразил, додека другите пловеле кон север: од устието на реката Есеквиба, преку делтата на Ориноко и натаму крај брегот сè до заливот Маракаибо. Експедицијата потоа се упатила кон Хиспаниола, каде се случил судир меѓу членовите на посадата на Охеда и приврзаниците на Колумбо, кои сметале дека само Колумбо има право да го истражува тој брег.

Најголемото значење на оваа експедиција лежи во фактот дека ова била прва европска експедиција која детално го истражила и го картирала брегот на денешната држава Венецуела. Охеда се вратил во Шпанија во јуни 1500 година.

Наводи[уреди | уреди извор]

Библиографија[уреди | уреди извор]

  • Francisco López de Gómara. Medina del Campo (1555). Historia General de las Indias. 1553; Zaragoza [1]. 
  • Enciclopedia Ilustrada Cumbre - Tomo 10 (1993). Page 231. 32ª. México: Editorial Hachette Latinoamérica, S.A. de C.V. ISBN 970-611-125-5. 
  • Bartolomé de las Casas, Historia de las Indias (five volumes, Madrid, 1875–76)
  • Arthur Helps, The Spanish Conquest in America, (new edition, four volumes, New York, 1900–04)

Надворешни врски[уреди | уреди извор]