Али Чаир (Прилеп)

Али Чаир — археолошко наоѓалиште во градот Прилеп. Претставува населба од неолитско и римско време При изградбата на новата населба Али Чаир, на улицата „Душко Наумовски“ бр. 12, со ископувањата во 1968 и 1972 година е утврден културен слој со еден хоризонт на живеење, поточно, остатоци од населба од доцниот неолит. На околу 100 м северно, на местото каде што се наоѓа Зоолошката градина, исто така при градење на станбени згради се откриени темели од ѕидови градени од кршен камен и варов малтер, како и множество фрагменти од керамички садови, покривни ќерамиди и архитектонски елементи од мермер. Во непосредната близина се најдени и две плочки од мермер со релјефна претстава на божиците Венера и Минерва. Наодите се чуваат во Заводот и музеј во Прилеп.

Поврзано

• Баба — тврдина и депо на монети од доцноантичкото време;
• Бакалница — некропола од доцноантичкото време;
• Болница - Учителско Училиште — населба од неолитското, некропола од железното и осамен наод од римското време;
• Бончеица — населба и некропола од доцноантичкото време;
• Долно Садово — населба од неолитското време;
• Каменица — населба од бакарното време;
• Караташ — некропола од римското време;
• Касарни — некропола од железното време;
• Кладенец — Случајни наоди - монети од римското време;
• Крклари — некропола од хеленистичкото време;
• Кукул — населба од римското време;
• Куршумли-ан — осамени наоди од римското време;
• Параклис — осамен наод од римското време;
• Поводеници — Случаен наод од римското време;
• Силос — некропола од римското време;
• Тополка - Шилево — некропола од доцноантичкото време;
• Тражица — фурна од римското време;
• Прилеп;
• Список на археолошки наоѓалишта во Прилепско;
• Список на средновековни некрополи во Македонија.