Алесандро Салвио (италијански:Alessandro Salvio) (околу 1570 во Неапол - 1640) — италијански шахист, шаховски теоретичар и автор. Во 1595, Салвио го победил Паоло Бои, а од 1600 се смета дека станал неофицијален светски првак во шах. Напишал шаховска книга со наслов Trattato dell'Inventione et Arte Liberale del Gioco Degli Scacch објавена во 1604 во Неапол, а подоцна и книга насловена Il Puttino објавена во 1634. Алесандро Салвио бил посветен и ги играл популарните отворања во тоа време: Кралев гамбит и Италијанска партија. Кон крајот на 19. век се дознало дека во анализите на Салвио помагал и Џулио Полерио.
