Ален Ајверсон

Од Википедија — слободната енциклопедија
Прејди на прегледникот Прејди на пребарувањето
Ален Ајверсон

Allen Iverson headshot.jpg

Лични информации
Роден на 7 јуни 1975 (1975-06-07) (44 г.)
Роден во Хамптон, Вирџинија, САД
Националност САД САД
Позиција бек, плејмејкер
Информации за кариерата
Колеџ Џорџтаун (1996–1999)
Драфт 1996 / Рунда: 1 / Пик: 1
Избран од:
Филаделфија Филаделфија 76ерс
Проф. кариера 1996–2011
Сениорски клубови
Години: Клубови:
1996–2006
2006–2008
2008–2009
2009
2009–2010
2010–2011
Филаделфија Филаделфија 76ерс
Денвер Денвер Нагетс
Детроит Детроит Пистонс
Мемфис Гризлис Мемфис Гризлис
Филаделфија Филаделфија 76ерс
Бешикташ Бешикташ
Репрезентација
1995—2004 САД САД


Ален Изаил Ајверсон е професионален американски кошаркар кој игра на позицијата бек. Тој учел во средното училиште Бетел и истовремено играл два спортови. Тој во една иста година ја освоил наградата мајдобар играч на годината во спортовите кошарка и американски фудбал која ја доделувала неговото училиште. После средно училиште Ајверсон се запишал на универзитетот во Џорџтаун каде учел две години и каде го поставил рекордот за најдобар процент на поени во кариерата (23.0 по натпревар) и ја освоил наградата Дефанзивен играч на годината во две години последователно.

После 2 успешни години на факултетот Џорџтаун тој бил спремен за НБА драфтот одржан во 1996 год. и беше избран од страна на Филаделфија Севентисиксерс како прв пик.[1] Тој беше избран за НБА дебитант на годината во сезоната 1996-97. Ајверсон има станато Ол-Стар единаесет пати и ја освоил наградата МВП на Ол-стар мечевите во 2001 и 2005.[2]

Го има освоено признанието најдобар поентер во сезоните 1998-99, 2000-01, 2001-02 и 2004-05. Неговиот процент на поени по натпревар во регуларниот дел од сезоната изнесува 26.7 поени по натпревар со што се рангира на 6-то место на сите времиња, a неговиот процент на поени по натревар во плејофот изнесува 29.7 поени по натпревар што е втор процент на најмногу поени по натрпевар зад првиот на Мајкл Џордан. Ајверсон исто така беше и МВП на регуларниот дел во сезоната 2000-01 и истата година го водеше својот тим до НБА финалето, каде Филаделфија загубија од ЛА Лејкерс. Ајверсон играше за кошаркарската репрезентација на САД на Олимписките игри 2004, освојувајки бронзен медал. Тој исто така има играно и за Денвер Нагетс,[3] Детроит Пистонс[4] и за Мемфис Гризлис, пред да се врати во Филаделфија Севентисиксерс во сезоната 2009-10.[5]

Според ЕСПН, Ајверсон во 2008 беше избран за 5-от најдобар бек во историјата на НБА.

Наводи[уреди | уреди извор]

  1. Кој е најдобриот НБА-драфт во историјата?; преземено од Спорт (22.06.2011)
  2. Хип-хоп забава во градот што не милува Црнци; преземено од Дневник (18.03.2006)
  3. Ајверсон си оди од Сиксерс; преземено од Дневник (11.12.2006)
  4. Ајверсон во Детроит, Билапс во Денвер; преземено од ТВ Алфа (04.11.2008)
  5. Ален Ајверсон ја завршува кариерата; преземено од ТВ Алфа (26.11.2009)

Надворешни врски[уреди | уреди извор]