Александар Митевски (пејач)

Од Википедија — слободната енциклопедија
Прејди на прегледникот Прејди на пребарувањето
Александар Митевски
Роден(а)27 јануари 1978, Скопје, Македонија Македонија
ЖанровиПоп,
ЗанимањаПејач, музичар, текстописец, аранжер и продуцент
ИнструментиВокали,
Период на активност1992–сега
Мреж. местоFB fаn page

Александар Митевски (Скопје, 27 јануари 1978) е македонски пејач на забавна музика, композитор и продуцент. Го оформи своето тонско студио ТОРУС во 2001 година.

Биографија[уреди | уреди извор]

Митевски е роден на 27 јануари 1978 година во Скопје[1] . За прв пат се појавува на македонската сцена како тинејџер во 1993 година кога со рап бендот "Океј Бенд" учествува на "Рап енд Рол фестивал" во организација на ревијата "Екран". Во 1995 година започнува своја соло кариера и како деби сингл ја пишува и издава баладата Матадор во срцето. За прв пат во 1996 година се појавува на фестивалите како автор, кога на штипскиот Макфест неговата песна Виолина и гитара во изведба на Дуле и Коки ја освоила првата награда од публиката, а тој е автор на текстот. Во 1997 се појавува за прв и последен пат на Макфест со песната "15 до 2" и истата таа година во издание на Макфест од Штип се појавува неговата деби-касета Ти си секси.... Инаку, материјалот за овој проект е снимен во студиото "Ентерпрајз" на Валентино Скендеровски, освен една тема која е снимена во студиото на Бранко Попчевски.
Паралелно со музиката Александар бил на студии по новинарство, а работел и како ТВ телевизијата во емисијата на МРТВ - "Розови очила". Беше радио водител и дел од тимот на популарното радио "Антена5". Поголем успех и поголема медиска експонираност имаат песните кои следуваат, Писмо (за која е направен и ремикс) како и 100% фанки[2], Латино ЦД. Во 1999 го отвори своето прво студио во АХА и ја сними баладата Срце тетовирано во дует со познатиот бизнисмен Трифун Костовски. Паралелно со работа на својот втор проект, тој пишувал песни и компонирал и за други изведувачи и групи, од кои се издвојуваат: Угро, Каролина Гочева, Дарио, Биба Додева, Тамара, Нови дечки и др. Го издава албумот "Диско" во септември 2001, а во декември 2002 година, во друштво со Дарио и Угро е реализирана новогодишната тема "Еднаш човек живее".
Во 2002-та година ја пишува спортската химна наменета за ракометниот клуб Кометал, "Кометал шампионе" која ги бодреше ракометарките и беше широко прифатена. Во 2005 година ја пишува песната за Град Скопје, "Мојот град", која беше проследена со одличен видео запис од Чедо Поповски. Во 2006 година го издава својот последен студиски албум "Кирилица" на кои се сместени хитовите "Душа Калдрма", "Кирилица" и многу други. 2007 година ја снима баладата "Кинески Sид", а последна негова снимена песна е "За век и векови" од летото 2009 година на која му гостуваат многу градски ликови и пријатели. Тој го продуцира албумот со инструментални обработки на Зоран Џорлев - "Не кажувај либе" во 2009 година.
Добитник е на повеќе награди "Златна Бубамара на Популарноста" за најдобри радиски реклами, а последната ја доби за албумот на Џорлев. На 10 ноември 2007 неговата авторска композиција-химна "Македонија навива за вас" која ја отпеа легендарниот Тоше Проески, беше прогласена за македонска официјална спортска химна, кратко по трагичната смрт на македонскиот миленик. Митевски во 2011 со помош на Фондацијата Тоше Проески ја продуцираше обработката на Тоше на "Can you feel the love tonight" заедно со Зоран Џорлев и хорот Златно Славејче.
Како дипломиран новинар од 2000 до 2010 работеше во во забавната рубрика на Утрински весник , а сега е дел од тимот на Дневник 2 со своите колумни, рецензии и музички коментари.

Соработки и авторство за други изведувачи[уреди | уреди извор]

Тоше Проески - Македонија навива за вас, Сите сме нивни деца; Трифун Костовски - Срце тетовирано, Балада, Душо моја, Молитва ; Дарио - Еднаш човек живее, Капар; Угро - Знам дека си ти кога викам ало, Шест броја и др. (текстови); Тамара - Шила, Енџелс; Дуле и Коки - Виолина и гитара, Колку треба да се плати, Песна за тебе, Тоа веќе не сме ти и јас, Е мој бато; Нови дечки - Шпанска мушица; Борис Трајанов - Молитва ; Арсен Дедиќ - Балада; Хавана Бенд - Балада за мајка ти и татко ти

Дискографија[уреди | уреди извор]

  • Ти си секси (Макфест 1997.)
  • Диско ( МаксМастер 2001.)
  • Кирилица ( 2006.)

Наводи[уреди | уреди извор]

  1. Таушанска, Марија. „Божиќни слатки рефрени“, Нова Македонија, петок 8.1.2010 (посет. 12 декември 2010 г). (на македонски)
  2. „Го слушнавте ли ремиксот за 100% Funky на Митевски?“ (македонски). Кантар. конс. 2010-12-12.