Александар Џамбазов

Од Википедија — слободната енциклопедија
Прејди на прегледникот Прејди на пребарувањето
Александар Џамбазов
Биографски податоци
Роден(а)3 февруари 1936
Стапар, Југославија (денес Србија)
Починал(а)25 јануари 2022
Скопје, Македонија
Занимањакомпозитор, диригент

Александар Џамбазов (Стапар, 3 февруари 1936Скопје, 25 јануари 2022) — македонски диригент и композитор, великан на современата македонска музика. Музичка академија завршил во Белград, а целиот работен век го минал во Македонската радио-телевизија, како диригент на Танцовиот и Ревискиот оркестар. Има реализирано безброј снимки и концерти во живо, Настапувал во земјава и во странство (Раденци во Словенија итн.). Добитник е на голем број (педесетина) стручни награди. Се категоризира во четвртата генерација македонски повоени композитори.

Творештво[уреди | уреди извор]

Неговиот творечки опус е многу богат. Автор е на голем број детски песни. Иницијатор и долгогодишен диригент беше на фестивалот за деца, „Златно славејче“ во Скопје. Пишувал сценска музика и филмска музика („Мементо“, за драмите „Мајка“, „Двајца на нишалка“ итн.) и повеќе дела од класичната музика, меѓу кои и „Рапсодија за Скопје“ за пијано и оркестар (1966), „Седум танцови варијации“ за пијано и оркестар (1977) и др. Компонирал и хорски композиции, како и голем број популарни мелодии.

Награди[уреди | уреди извор]

Добитник е на повеќе од 40 награди и признанија во Македонија и Југославија, меѓу кои и државната награда „11 Октомври“ и наградата на Град Скопје „13 Ноември”.[1]

Личен живот[уреди | уреди извор]

Во брак бил со познатата македонска глумица Анче Џамбазова. Негов син е познатиот глумец и шумен Игор Џамбазов, а има и ќерка Тања Џамбазова.

Извори[уреди | уреди извор]

  • Бунтевска, Сузана (2005). ЕНЦИКЛОПЕДИЈА Британика:С-Ф (Скопје:Топер). ISBN 9989-165-15-7.

Наводи[уреди | уреди извор]