Алба (одежда)

Алба (од латинскиот збор албус, што значи „бел“) — одежда на западното христијанство. Тоа е пространа бела облека што се спушта до глуждовите и обично е препашана со еден вид појас, понекогаш направен од јаже, сличен на оној што се користи кај монашката облека, како кај Францисканците и Капуцините. Наликува на долгата, бела ленена туника што ја користеле античките Римјани.

Алба била усвоена многу рано од христијаните, а особено од свештенството за евхаристија. Во раната средновековна Европа свештениците носеле алба во нелитургиски контексти.

Денес, алба е вообичаена облека за сите свештеници на католичката миса. Се носи над мантија, но под сите други посебни облеки. По Трентскиот собор (1545 — 1563), албата често содржела литургиска чипка. Оттогаш, овој детаљ е надвор од употреба, освен во делови од англо-католичкото движење.

Алба одговара на источноправославниот стихар.