Адамит
| Адамит | |
|---|---|
 Жолто-зелен адамит врз лимонит | |
| Општо | |
| Категорија | Арсенатен минерал |
| Формула | Zn2AsO4OH |
| Штрунцова класификација | 8.BB.30 |
| Данина класификација | 41.06.06.03 Olivenite group |
| Просторна група | Pnnm |
| Распознавање | |
| Боја | Бледо жолта, медено-жолта, кафеаво жолта, црвеникава; понекогаш бела, безбојна, сина, бледо зелена до зелена |
| Хабитус | Клинести призми обично во друзи и зрачни јата; исто така и мазни ботриоидни маси |
| Кристален систем | Орторомбичен |
| Прелом | Нерамномерно до субконхоидно |
| Жилавост | Кршлив |
| Цврстина на Мосовата скала | 3.5 |
| Специфична тежина | 4.32–4.48 |
| Оптички својства | Биаксијална (+/−) |
| Показател на прекршување | nα=1.708 – 1.722, nβ=1.742 – 1.744, nγ=1.763 – 1.773 |
| Двојно прекршување | δ = 0.055 |
| Други особености | Може да биде флуоресцентна и фосфоресцентна со лимоно-жолта боја под SW, LW и УВ зрачење. |
| Наводи | [1][2][3] |
Адамитот — минерал од цинк арсенат хидроксид, Zn2AsO4OH. Тоа е минерал кој обично се јавува во оксидираната зона над која природно се појавува цинковата руда. Чистиот адамит е безбоен, но обично има жолта боја поради мешавина од соединенија на Fe. Исто така, се јавуваат нијанси на зелена боја кои се поврзани со супституции на бакар во структурата на минералот. Оливенитот е бакарен арсенат кој е изоструктурен со адамит и постои значителна супституција помеѓу цинкот и бакарот, што резултира со меѓупроизвод наречен купроадамит. Цинколивенит е меѓупроизвод со формулата CuZn(АsO4)(OH). Манганот, кобалтот и никелот исто така се супституираат во структурата. Тарбутитот е аналоген цинк фосфат.
Појава
[уреди | уреди извор]Адамитот се јавува како секундарен минерал во оксидираната зона на хидротермални минерални наоѓалишта што содржат цинк и арсен. Се јавува во асоцијација со смитсонит, хемиморфит, скородит, оливенит, калцит, кварц и оксиди од железо и манган.
Жолтите до светло лимето-зелени кристали и друзот, заедно со неговата карактеристична флуоресценција, го прават адамитот омилен меѓу собирачите на минерали. Се наоѓа во Мапими, Дуранго, Мексико, Грција и Калифорнија и Јута во Соединетите Американски Држави.
Адамитот е именуван по францускиот минералог Жилберт-Жозеф Адам (1795–1881). Првпат е опишан во 1866 година пронајден во локалитетот Чањарчиљо, покраина Копијапо, регион Атакама, Чиле.
Наводи
[уреди | уреди извор]- ↑ http://rruff.geo.arizona.edu/doclib/hom/adamite.pdf Handbook of Mineralogy
- ↑ http://www.mindat.org/min-21.html Mindat.org
- ↑ http://webmineral.com/data/Adamite.shtml Webmineral data