Џумаја (Солунско)

Од Википедија — слободната енциклопедија
Прејди на прегледникот Прејди на пребарувањето
Џумаја
Μεσαίο
Џумаја is located in Грција
Џумаја
Џумаја
Местоположба во областа
Џумаја is located in Даутбал (општина)
Џумаја
Местоположба на Џумаја во општината Даутбал и областа Централна Македонија
Координати: 40°47.71′N 22°51.80′E / 40.79517° СГШ; 22.86333° ИГД / 40.79517; 22.86333Координати: 40°47.71′N 22°51.80′E / 40.79517° СГШ; 22.86333° ИГД / 40.79517; 22.86333
ЗемјаГрција
ОбластЦентрална Македонија
ОкругСолун
ОпштинаДаутбал
Општ. единицаКалитеја
Надм. вис.&10000000000000125000000125 м
Заедница
 • Население533
 • Површина (км2)29.87
Часовен појасEET (UTC+2)
 • Лете (DST)EEST (UTC+3)
Пошт. бр.545 00
Повик. бр.+30-231x-xxx-xxx
Рег. таб.NAx-xxxx до NXx-xxxx

Џумаја или Џума (грчки: Μεσαίο, Месео; до 1949 г. Μεσιό, Месио,[2] до 1926 г. Τζουμά, Ѕума[3]) — село во Солунско, Егејска Македонија, денес во општината Даутбал на Солунскиот округ во Централна Македонија, Грција. Населението брои 533 жители (2011).

Географија и местоположба[уреди | уреди извор]

Селото се наоѓа во областа Вардарија во Солунското Поле, на левиот брег на реката Галик, од спротива на с. Нарш. Лежи на надморска височина од 125 м.[4]

Историја[уреди | уреди извор]

Џумаја во минатото била населена со турско население. Во патописниот попис од 1870-тите Милош Милоевиќ го завел со 10 турски куќи.[4] Според Васил К’нчов („Македонија. Етнографија и статистика“) во 1900 г. во Џумаја Маала, Лагадинска каза, живееле 150 Турци.[5]

Со Букурешкиот договор во 1913 г. селото било припоено кон грчката држава. Истата година Џумаја имала 106 жители, но во 1920 г. во него останале само 20 души.[4] Со Лозанскиот договор, преостанатото население е иселено во Турција, а на негово место се доселени 48 грчки семејства од Понд и едно грчко семејство од Источна Тракија. Според пописот од 1928 г. Џумаја била доселеничко село 150 дојденци (49 семејства).[6][7] Во 1926 г. селото е преименувано во Месио, а во 1949 г. го добило денешното име Месео.

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 361 433 447 261 294 427 573 533
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Калитеја со седиште во Градобор, која припаѓа на поголемата општина Даутбал, во округот Солун. Воедно, селото е дел од општинскиот оддел Џумаја, каде спаѓаат и селата Даутли и Ени Маала.

Стопанство[уреди | уреди извор]

Населението се занимава со одгледување на тутун, жито и други земјоделски култури, а делумно е застапено и сточарството.[4]

Наводи[уреди | уреди извор]