Џо Арибо

Џо Арибо
Лични податоци
Полно име	Џозеф Олувасеји Темитопе ; Ајоделе-Арибо
Роден на	21 јули 1996 (27 г.)
Роден во	Камбервел, Англија
Држава	Нигерија
Висина	1,83 м
Позиција	среден ред
Клупски податоци
Сегашен клуб	Саутхемптон
Број	7
Младинска кариера
	Стејнс Таун
Кариера*
Репрезентација ‡
	*Настапи и голови само на првенствени натпревари, според податок од 11 август 2022; ‡ Настапи и голови за репрезентација, според податок од 11 август 2022

Џозеф Олувасеји Темитопе Ајоделе-Арибо (роден на 21 јули 1996 во Камбервел), на скратено познат како Џо Арибо — нигериски фудбалер, играч од средниот ред на Саутхемптон и на нигеријската репрезентација. Иако е роден и израснал во околината на Лондон, Англија, поради нигериското потекло се одлучил репрезентативно да ја претставува оваа африканска земја.

Својата клупска кариера ја започнал во полупрофесионалниот клуб Стејнс Таун за потоа да помине четири години со Чарлтон Атлетик во фудбалската лига. Во 2019 година потпишал за шкотскиот гигант Ренџерс, каде што го освои шкотското првенство во 2021 година и Купот на Шкотска една година подоцна. Во летото 2022 година, потпишал за Саутхемптон.

Својот дебитантски настап за Нигерија го направил во 2019 година. Бил во составот на репрезентација на Африканскиот куп на нации 2021.

Технички карактеристики[уреди | уреди извор]

Арибо е разноврсен играч кој може да игра централно или странично во средниот ред. Технички умешен, тој може да ги користи своите долги нозе за делотворно да ја заштити топката од противниците. Меѓу неговите силни страни се брзината со топката во нозете и способноста да се прилагоди на повеќе позиции на теренот.