Џозеф Мајстер
Џозеф Мајстер (21 февруари 1876 – 24 јуни 1940) бил првото лице кое било инокулирано против беснило од страна на Луј Пастер и веројатно првото лице кое било успешно излекувано од инфекцијата, која има стапка на смртност од >99% откако ќе се појават сиптомите.
Историја
[уреди | уреди извор]Во 1885 година, деветгодишниот Мајстер бил каснат од наводно бесно куче. По консултации со Алфред Вулпијан и Жак-Жозеф Гранше и добивање на нивна помош, Луј Пастер се согласил да го вакцинира момчето со ткиво од 'рбет од бесни зајаци, кое успешно го користел за спречување на беснило кај кучињата.[1] Третманот бил успешен и момчето не развило беснило.[2] За Пастер, ова технички претставувало практикување без лиценца бидејќи бил хемичар, а не лиценциран лекар, но тој продолжил по совет на лиценцирани колеги кои се согласиле дека на младиот му е потребен третманот и дека Пастер бил единствениот професионалец достапен тоа да го примени.[3] Сепак, успехот на третманот довел до откажување од какви било формални обвинувања.
Како возрасен, Мајстер работел како домар во Институтот Пастер се до неговата смрт во 1940 година на 64-годишна возраст. На 24 јуни 1940 година, десет дена откако германската армија го окупирала Париз за време на Втората светска војна, Мајстер извршил самоубиство со својот гасен пиштол.
Иако често се повторува, верзијата за неговото самоубиство во која се вели дека тој одлучил да си го одземе животот наместо да дозволи Вермахт да влезе во криптата на Пастер[4] не е одржлива.[5] Наместо тоа, еден современ напис во весник, како и сведочењето на внуката на Мајстер[6] укажуваат дека, плашејќи се за безбедноста на своето семејство, Мајстер ги замолил да си заминат, додека тој останал да го заштити институтот Пастер од германските војници. Тој погрешно верувал дека ова резултирало со нивното заробување од страна на нацистите.[7] Во трагична иронија, неговото семејство се вратило во институтот неколку часа откако Мајстер починал од самоубиство.
Портретирање
[уреди | уреди извор]Мајстер го играл Дики Мур во филмот од 1936 година Приказната за Луј Пастер. Приказната за потенцијално опасната вакцинација на Мајстер против беснило од страна на Пастер била прикажана и во една епизода од ТВ серијата Темни работи: Извртени, но вистинити и драмско-документарната серија на Би-Би-Си од 1974 година Микроби и луѓе.
Наводи
[уреди | уреди извор]- ↑ Wasik, Bill; Murphy, Monica (2012). Rabid: A Cultural History of the World's Most Diabolical Virus. Penguin. ISBN 978-1101583746. OCLC 759911217.
- ↑ Dubos, René (1950). Louis Pasteur: Freelance Of Science. Little, Brown and Company. стр. 335–336.
- ↑ Murphy, Timothy F. (2004). Case Studies Biomedical Research Ethics. MIT Press. ISBN 978-0-262-63286-7.
- ↑ Asimov, Isaac (1965). The New Intelligent Man's Guide to Science. New York: Basic Books.
- ↑ Dufour, Héloïse D.; Carroll, Sean B. (2 October 2013). „History: Great myths die hard“. Nature. 502 (7469): 32–33. doi:10.1038/502032a. PMID 24137644.
- ↑ „Il était une fois“. Blog de Mijo Demouron (француски). 21 January 2008. Посетено на 23 April 2024.
- ↑ Harris, Karen (23 August 2018). „The Life and Death of Joseph Meister“. History Daily (англиски). Посетено на 22 October 2020.