Џоана Њусом

Џоана Њусом
	Џоана Њусом на настап во 2015
Животописни податоци
Роден(а)	18 јануари 1982 (42 г.); Грас Вали, Калифорнија, САД
Жанрови	Прогресивен фолк; барок-поп; инди-фолк;
Занимања	Кантавторка; харфистка;
Инструменти	Пеење; харфа; клавијатури;
Период на активност	2002–денес
Издавачи	Drag City

Џоана Њусом (англ. Joanna Newsom; родена на 18 јануари 1982 година) ― американска харфистка, пијанистка, пејачка и глумица.

Родена е во Грас Вали во Калифорнија,^[1] а подоцна со семејството се преселила во Невада Сити. На петгодишна возраст изразила желба да свири на харфа, но бидејќи била мала нејзиниот професор по музика им предложил на нејзините родители прво да научи да свири на пијано. Откако го совладала свирењето на пијано, таа почнала да зема часови за класична харфа. Нејзината музичка кариера ја започнала во средно училиште како клавијатурист во инди-групата од Сан Франциско, The Pleased.

Откако сама објавила две ЕР во 2002 година, Њусом потпишала договор со независната издавачка куќа Drag City. Нејзиниот прв албум, The Milk-Eyed Mender, бил издаден во 2004 година, а подоцна списанието NME го ставило албумот на 12-то место на нивниот список од „20 најдобри фолк-албуми на сите времиња“.^[2] Популарност кај пошироката публика добила со албумот Ys (2006), кој стигнал до 134-то место на Билборд 200^[3] и во 2007 година бил номиниран за Shortlist Music Prize. Потоа објавила уште два албума: Have One on Me (2010) и Divers (2015).

Њусом била пофалена од критичарите за нејзиниот оригинален музички стил, понекогаш окарактеризиран како прогресивен фолк и за нејзината инструментација на харфа. Таа, исто така, глумела во телевизиската серија Портландија и во филмот од 2014 година Inherent Vice.

Дискографија

Студиски албуми

The Milk-Eyed Mender (2004)
Ys (2006)
Have One on Me (2010)
Divers (2015)

Наводи

↑ Lewis, Tim (October 18, 2015). „Joanna Newsom: 'It was a tonic to know I'm not insane'“. The Guardian. Посетено на October 11, 2017.
↑ Cooper, Leonie (June 7, 2016). „20 Best Folk Albums of All Time“. NME. Архивирано од изворникот на November 25, 2016. Посетено на October 4, 2017.
↑ „Ys / Joanna Newsom“. billboard.elpee.jp (англиски). Посетено на September 4, 2022.

Надворешни врски

Џоана Њусом во Драг Сити
Џоана Њусом на Семрежната филмска база на податоци (англиски)

[tonic-1] Lewis, Tim (October 18, 2015). „Joanna Newsom: 'It was a tonic to know I'm not insane'“. The Guardian. Посетено на October 11, 2017.

[2] Cooper, Leonie (June 7, 2016). „20 Best Folk Albums of All Time“. NME. Архивирано од изворникот на November 25, 2016. Посетено на October 4, 2017.

[Ys_/_Joanna_Newsom-3] „Ys / Joanna Newsom“. billboard.elpee.jp (англиски). Посетено на September 4, 2022.

[1]

[2]

[3]