Прејди на содржината

Џефри Епстин

Од Википедија — слободната енциклопедија
Џефри Епстин
РоденЏефри Едвард Епстин
20 јануари 1953
Бруклин, Њујорк, САД
Починал10 август 2019 (возр. 66)
Метрополитенски поправен центар, Њујорк, САД
Обвиненија
Казна13 месеци затвор (2008)
Занимање
Судење и статус
СоучеснициГилен Максвел
Подробности за злосторството
Жртви1.000+[1][2]

Џефри Едвард Епстин[3] (англиски: Jeffrey Edward Epstein; 20 јануари 1953 — 10 август 2019) — американски финансиер и регистриран сексуален престапник. Својата кариера во финансиите ја започнал во инвестициската банка Bear Stearns, а подоцна основал своја сопствена фирма, J. Epstein & Co.

Во 2008 г. бил уапсен и се изјаснил за виновен по две точки од обвинението за организирање проституција. Бил осуден за силување на 14-годишно девојче и поминал 13 месеци во затвор. Бил ослободен како дел од спогодба за признавање вина, откако федералните власти утврдиле 36 девојчиња помлади од 16 години како негови жртви. На овие девојчиња, во рамките на вонсудски порамнувања, Епстин им исплатил суми од 50.000 до еден милион долари. Спогодбата била склучена со Александар Акоста, тогашен американски обвинител за јужниот округ на Флорида, кој се согласил да му додели на Епстин имунитет од сите федерални кривични пријави.

Епстин бил повторно уапсен на 6 јули 2019 г. под федерално обвинение за трговија со деца на Флорида и во Њујорк. На 10 август 2019 г. се обесил во својата затворска ќелија.[4][5]

Во популарната култура

[уреди | уреди извор]

Смртта на Џефри Епстин предизвикала широка дебата. Изразот „Епстин не се самоуби“ (англ. Epstein didn't kill himself) се однесува на многубројни теории на заговор поврзани со неговата смрт, кои го оспоруваат официјалното, но спорно решение дека станува збор за самоубиство со бесење. Овој израз станал популарен интернет-мем, добивајќи на интензитет во ноември 2019 г., кога повеќето околности околу неговата смрт станале јавно достапни. Мемот се појавувал на бројни телевизиски спортски настани во облик на натписи и исцртани пораки на телата на навивачите. Неколку лица, исто така, произволно го вметнувале изразот на крајот од своите интервјуа. Тој бил користен од поединци од целиот политички спектар, иако не постоела согласност за конкретните подробности околу неговата смрт.

Телевизиската мрежа HBO снимила серија за неговиот живот и смрт, со Адам Макеј како режисер и извршен продуцент. Sony Pictures Television дополнително развил минисерија за неговиот живот. Во финалето на четвртата сезона на серијата на CBS, „Добрата борба“ (англ. The Good Fight), дејството се врти токму околу неговата смрт. Документалната серија на Netflix, „Џефри Епстин: Гнасно богат“, била премиерно прикажана во мај 2020 г., додека документарниот филм за неговиот живот, „Да се преживее Џефри Епстин“, бил прикажуван во август истата година.

На 1 јули 2020 г., пред градското собрание во Албакерки, Ново Мексико, таинствено се појавила негова статуа, која набрзо била отстранета. Снимки на кои Трамп и Епстин разговараат на забава во клубот на Трамп, „Мар-а-Лаго“, во 1992 г., се појавуваат во комедијата „Борат 2“ од 2020 г. Во филмот, тие се прикажани како вдахновение за Борат да ја подари својата малолетна ќерка на некој од потесниот круг на Трамп (при што Борат првично го избира Мајк Пенс, а подоцна Руди Џулијани). Подоцна во филмот, едно од децата на Борат го менува своето име во Џефри Епстин.[6]

Наводи

[уреди | уреди извор]
  1. ↑ Rabinowitz, Hannah (7 јули 2025). „Jeffrey Epstein died by suicide and there's no 'client list,' Justice Department says“. CNN.
  2. ↑ Quinn, Melissa; Rosen, Jacob (7 јули 2025). „Justice Department review finds Jeffrey Epstein had no "client list" and died by suicide“. CBS News.
  3. ↑ „Епстин“ се транскрибира од англиски, а „Епштајн“ од германска транскрипција на презимето.
  4. ↑ „Jeffrey Epstein Commits Suicide at Manhattan Jail, Officials Say“. Архивирано од изворникот 2020-05-03. Посетено на 2019-08-10.
  5. ↑ „Jeffrey Epstein: Financier 'found dead in cell' in New York“. Архивирано од изворникот 2019-08-11. Посетено на 2019-08-10.
  6. ↑ Reilly, Dan (2020-10-28). „Who's Who in Borat 2: A Guide to Every Notable Cameo“. Vulture (англиски). Посетено на 2025-12-18.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Џефри_Епстин&oldid=5484555“