Љулин (планина)

Оваа статија се однесува на планина во Бугарија. За други значења, погл. Љулин (појаснување).

Љулин
Люлин
Поглед кон планината Љулин од соседната планина Витоша.
Највисока точка
Надм. вис.	1.256 м
Друго име	Люлин
Географија
Љулин на карта
Место	Бугарија
Матичен венец	Средна Гора
Искачување
Најлесен пат	Лесно планинарење.

Љулин (бугарски: Люлин) е планина во Западна Бугарија. Планината се наоѓа на 5 км југозападно од главниот град Софија. Нејзината највисока точка е врвот Дупевица, кој е висок 1256 метри надморска височина. Љулин е одделена од планината Витоша со Владајскиот премин, каде тече Владајската река. Геолошки, Љулин е дел од Софиското средногорие.

Географија

Бучинскиот премин ја дели планината Љулин на два дела — западен и источен. Источниот дел на планината е повисок и на него се наоѓа нејзиниот првенец - врвот Дупевица. Блиску до него се наоѓа интересното место Добринова карпа која претставува вертикална карпа од која се може да се види панорамски поглед на главниот град Софија, гратчето Банќа и на соседната планина Витоша. Во северното подножје на планината се наоѓаат софиските населби Мало Бучино и Банќа, а во јужната — Књажево и Владаја, а во источното — Горна Бања.

Туризам

Љулин е лесно достапна планина. Има добро обележани пешачки патеки. На планината се наоѓат бунгаловите „Љулин“ (1040 м) и „Бонсови ливади“. Во западниот дел на планината е Дивотинскиoт манастир, а во северниот урнатините на стариот манастир „Св. Крал“ (Св. Кирил и Методиј). На врвот Рајловско градиште има остатоци од тврдината на Кракра Пернички. По јужните падини на Љулин се изградени неколку санаториуми за белодробни и други заболувања.

Надворешни врски

• Љулин Планина (бугарски)