Љубомир Котевски

Од Википедија — слободната енциклопедија
Прејди на прегледникот Прејди на пребарувањето
Љубомир Котевски.jpg
Роден 3 август 1923
Скопје, Македонија Македонија
Починал 10 август 2014
Скопје, Македонија
Занимање универзитетски професор, интернист

Љубомир Котевски (3 август 1923, Скопје - 10 август 2014, Скопје) — интернист, пулмоалеролог, професор, основач и директор на Клиниката за пулмологија во Скопје.[1]

Биографија[уреди | уреди извор]

Љубомир Котевски бил роден во Скопје, на 3 август 1923 година, каде завршил основно и средно образование. Есента 1945 година се запишал во Белград на медицински факултет. Студиите ги завршил во мај 1951 година, и веднаш стапил на служба во Специјалната болница за ТБЦ во селото Лешок, Тетовско. Специјалистички испит по интерна медицина положил во 1956 година, а во јануари 1957 година бил избран за асистент на Интерните клиники во Скопје. За редовен професор бил избран во 1977 година[1]

Кариера[уреди | уреди извор]

Љубомир Котевски бил декан на Медицинскиот факултет во Скопје од 1978 до 1982 година, а од 1982 до 1985 година бил директор на УЦМН. Тој бил основач и шеф на Одделението за пулмологија, и директор на Клиниката за пулмологија и алергологија.[1] Се усовршувал на клиниките во Париз, Рим, Минхен, Лондон, Милано и Прага. Особени заслуги има за формирањето и развојот на одделите за интензивна респираторна нега, за бронхоскопија за газометрија, каде вовел современи методи за дијагностика и терапија.

Бил претседател на Здружението на алерголози и клинички имунолози на Југославија, член на Меѓународното здружение на алергологија и клиничка имунологија. Автор е на бројни стручни и научни трудови. Одликуван бил со награди и признанија, меѓу кои: Орден на трудот со златен венец, наградата „13 Ноември“ и Повелбата „Д-р Трифун Пановски“.

Наводи[уреди | уреди извор]

  1. 1,0 1,1 1,2 д-р Марјан Димитријевски: „Декани - 1947-2012“, Скопје, Медицински факултет, 2015 г., стр. ​73-78