Јужна Стварност

Од Википедија — слободната енциклопедија
Прејди на прегледникот Прејди на пребарувањето
Факсимил на „Јужна Стварност“

Јужна Стварност бил единствен број на весник „за сите културни прашања на Македонија“, напечатен во 2.500 примероци на српски јазик, но со македонска културно-национална, економско-политичка и прокомунистичка концепција. Излегол во Марибор, Словенија во декември 1939 година.[1] На уводно место се истакнува: „Го покренавме весникот ’Јужна стварност’ со задача да се стави во служба на најшироките слоеви на нашата покраина, во границите на можностите објективно да ги известува и низ него да се чуе чесниот збор по сите прашања што ги интересираат масите од нашата покраина“. Меѓу другите прилози значајно е „Отвореното писмо“ до акад. Никола Вулиќ, во врска со неговото предавање во Српскиот културен клуб во Белград, за историјата на Македонија и Македонците, па преку насловот ја најавил и дилемата: „Јужна Србија или Македонија“. Сопственик и главен и одговорен уредник, но и автор на прилозите бил тетовецот новинар и поет Виктор Аќимовиќ кој бил оженет за Словенката Милена од Марибор.[2]


Наводи[уреди | уреди извор]

  1. Иван Катарџиев, За весникот „Јужна стварност“ – Прилог кон проучувањето на македонскиот печат пред почетокот на Втората светска војна, „Историја“, VII, 2, Скопје, 110–126
  2. Блаже Ристовски, Македонскиот стих 1900–1944. Истражувања и материјали, Скопје, 1980, 177–178