Јохан Кругер
Јохан Кругер (9 април 1598 – 23 февруари 1662 година) бил германски композитор на доста познати химни. Тој исто така бил уредник на тогаш најкористениот лутерански химнар во 17тиот век, Praxis pietatis melica.
Ран живот и образование
[уреди | уреди извор]Кругер бил роден во Грос Бризен (сега дел од ден денешен Губен) како син на гостилничар Георг Кругер.[1] Тој бил етнички Лужички Србин, и бил прекрстен како Јан Кригар.
Студирал во блискиот Латеиншул (тогашен Губен) до 1613 година, а наставната програма на тоа училиште вклучувала музика и пеење.[1]
Потоа патувал во Жари и Вроцлав на дополнително образование, и конечно пристигнал во Регенсбург, каде што добил музичка обука од Паулус Хомбергер (1560–1634).[1] Во 1615 година патувал за Берлин, каде што студирал теологија во Берлинската гимназија Грауен Клостер. Во 1616 година бил ангажиран како куќен учител во семејството фон Блументал, меѓу неговите ученици бил и Јоаким Фридрих фон Блументал. Од 1620 година започнал да студира теологија на Универзитетот во Витенберг и дополнително се обучувал музика преку приватни учења.[1]
Кариера
[уреди | уреди извор]
Од 1622 година до неговата смрт, период од 40 години, тој истовремено бил учител во гимназијата Грауен Клостер и кантор на Црква Свети Никола во Берлин.[1]
Кругер компонирал бројни концертни дела и опширно пишувал за музичкото образование. Во 1643 година се запознал со познатиот химнописец Паул Герхард, за кого напишал музика за различни химни, меѓу кои и била химната „Како да те примат“. Во 1647 година тој го уредил најважниот германски лутерански химнар од 17 век, Praxis pietatis melica, кој се појавил во многу повеќе изданија.[1]
Меѓу химните за кои компонирал музика е исто така „Ти, о убава светска структура“ на Јохан Франк. Ден денес не е во практична употреба, освен една строфа, „Komm, o Tod, du Schlafes Bruder„ (Дојди, о смрт, да спиеш брате), била користена во соло кантата на Бах „Со задоволство ќе го носам вкрстениот стап“. Тој ја компонирал мелодијата за „Сега заблагодарете му за се на Бога“ на Ринкарт и за „Исус, мојот пријател“ на Франк, која Бах ја користел за истоимениот мотет.
Личен живот
[уреди | уреди извор]Во 1628 година се оженил со вдовицата на градскиот советник. За време на Триесетгодишната војна, Кругер и неговото семејство претрпеле многу тешкотии и глад.[2] Тој се разболел од чума и за малку ќе починел од таа болест. Пет од неговите деца и неговата сопруга починале од чумата во 1636 година. Во 1637 година, откако оздравел од болеста се оженил по втор пат со 17-годишната ќерка на гостилничар, со која имал четиринаесет деца, од кои повеќето починале на млада возраст.[2] Една од неговите ќерки се омажила за дворскиот сликар Мајкл Конрад Хирт, кој направил портрет на Кругер во 1663 година.[1] Кругер потоа починал во Берлин.
Наводи
[уреди | уреди извор]- 1 2 3 4 5 6 7 Nummert, Dietrich. "Mit 24 schon Musikdirektor. Kantor und Lehrer Johann Crüger", Berlinische Monatsschrift, pp. 64–68 (April 1998) (на германски)
- 1 2 Bautz, Friedrich Wilhelm. "Biografía de Crüger", Biographisch-Bibliographisches Kirchenlexikon (на германски)
Надворешни врски
[уреди | уреди извор]- Слободни партитури од Johann Crüger на проектот „Меѓународна библиотека на партитури“ (IMSLP)
- Јохан Кругер — слободни партитури на CPDL
- Free scores at the Mutopia Project
|