Јордан Георгиевски

Јодран Георгиевски (Скопје, 29 јануари 1981) — македонски фудбалски голман.

Кариера

Својата кариера Јордан Георгиевски ја почнува во ФК Македонија Ѓ.П.. Додека настапува во младинските категории во клубот, обично игра на позиција лево крило, а дури подоцна како младинец станува голман. Во сезона 2001/02 преминува во Работнички, а во пролетниот дел е отстапен на двојна лиценца во Караорман од Струга. Со Караорман ќе постигне одлични резултати, кој како второлигашки клуб стигнува до 1/2 финалето на Купот на Македонија.

Јордан Георгиевски ќе остане запаметен и по тоа дека тој е првиот Македонски спортист кој беше суспендиран бидејќи во неговата крв беа најдени недозволени супстанци.