Јехуда Амихај

Од Википедија — слободната енциклопедија
Прејди на прегледникот Прејди на пребарувањето
Јехуда Амихај
עמיחי קורא בתמול.jpg
Роден/а3 мај 1924(1924-05-03)
Вилзбург, Германија
Починат/а22 септември 2000(2000-09-22) (возр. 76)
Израел
Јазикхебрејски
ДржавјанствоИзраел
ЖанрПоет

Јехуда Амихај (3 мај 192422 септември 2000) беше израелски поет. Многумина, и во Израел и во светот, го сметаат Амихај за највеличествениот израелски модерен поет.[1] Исто така, тој е меѓу првите што пишувале на разговорен хебрејски.[2]

Амихај е добитник на многу награди, меѓу кои и на Златен венец на Струшките вечери на поезијата во 1995.

Поезија[уреди | уреди извор]

Поезијата на Амихај обработува настани од секојдневниот живот и филозофски полемики за значењето на животот и смртта. Карактеристични за неговата поезија се благата иронија и оригиналната сликовитост. Како и повеќето секуларни израелски поети, тој се „бори“ со верата во религијата. Во неговите поеми можат да се најдат наводи кон Бог и религиското искуство.[3] Беше опишан како поет-филозоф во потрага по пост-теолошки хуманизам.[4] За Амихај се вели дека имал „ретка способност да ја претвори личната, дури и приватна, љубовна ситуација, со сите нејзини радости и таги, во сечие искуство“.[5]

Некои ги сметаат неговите метафори за богохулни.[6] Во неговата поема „И ова е твојата слава“ (Vehi Tehilatekha), на пример, Бог се наоѓа под Земјината топка како механичар под кола и залудно се обидува да ја поправи. Во поемата „Боговите се менуваат, молитвите остануваат исти“ (Elim Mithalfim, ha-Tfillot Nisharot la-Ad), Бог е прикажан како туристички водич или магионичар.

Белешки[уреди | уреди извор]

  1. Yehuda Amichai criticism
  2. „Books and Writers: Yehuda Amichai“. Архивирано од изворникот на 2005-01-04. Посетено на 2021-08-10.
  3. Does David still play before you?: Israeli poetry and the Bible, David C. Jacobson
  4. Chana Kronfeld, The Wisdom of Camouflage" Prooftext 10' 1990 pp469-
  5. Poetry Foundation: Yehuda Amichai
  6. Sacrilegious Imagery in Yehuda Amichai's Poetry, Yoseph Milman, 1995, Association for Jewish Studies