Јасмина Поповска

Јасмина Поповска
Родена	14 јули 1959
Националност	Македонка
Занимање	глумица

Јасмина Поповска (14 јули 1959) — македонска театарска, филмска и телевизиска глумица.

Животопис

Јасмина Поповска е родена на 14 јули 1959 година. Дипломирала на Факултетот за драмски уметности во Универзитетот „Св. Кирил и Методиј“, на отсекот за глумечка игра во класата на Тодорка Кондова-Зафировска и Слободан Унковски во 1984 година. Вработена е во Македонскиот народен театар уште од периодот непосредно по дипломирањето.

Театрографија

• Амелија — „Погрижи се за Амелија“ од Жорж Фејдо, р. Коле Ангеловски, МНТ, 1984;
• Мирандолина — „Мирандолина“ од Карло Голдони, р. Вукан Диневски, МНТ, 1985;
• Ангелина — „Рамна земја“ од Ташко Георгиевски, р. Владимир Милчин, МНТ, 1985;
• Гуштерица — „Гуштерица“ од Александар Володин, р. Евгениј Лазаров, МНТ, 1986;
• Ружа — „Тетовирани души“ Од Горан Стефановски, р. Богдан Поп Ѓорчев, НТ Штип, 1986;
• Емилија/Маја — „Баал“ од Бертолт Брехт, р. Владимир Милчин, МНТ, 1987;
• Мица — „Мрестење на краповите“ од Александар Поповиќ, р. Ацо Алексов, МНТ, 1987;
• Мира — „Кал“ од Марија Ирене Форнес, р. Наум Пановски, МНТ, 1988;
• „Црна дупка“ од Горан Стефановски, р. Паоло Маџели, МНТ, 1988;
• Елианта — „Мизантроп“ од Жан Батист Молиер, р. Владимир Милчин, МНТ, 1989;
• Анжелика — „Жорж Данден“ од Жан Батист Молиер, р. Бранко Ставрев, МНТ, 1992;
• Девојката — „Соната на сеништата“ од Август Стриндберг, р. Стојан Стојаноски, МНТ, 1992;
• Ана — „Буре барут“ од Дејан Дуковски, р. Сашо Миленковски, МНТ, 1994;
• Цвета — „МКС“ од Војдан Чернодрински, р. Сашо Миленковски, МНТ, 1995;
• Хелена — „Обѕирни се во гнев“ од Џон Озборн, р. Васил Христов, МНТ, 1995;
• Сузана — „Кројач за дами“, од Жорж Фејдо, р. Димитрие Османли, МНТ, 1996;
• Болничарка — „Мара/Сад“ од Петер Вајс, р. Васил Христов, МНТ, 2008;
• „Троил и Кресида“ од Вилијам Шекспир, р. Љубиша Ристиќ, МНТ, 2010;
• „Мојот човек“ од Мирјана Ојданиќ, р. Катерина Коцевска, МНТ, 2012;
• Хор — „Вечната куќа“ од Јордан Плевнеш, р. Дејан Пројковски, МНТ, 2013.

Филмографија

• Лејла — „Марика лета со авион“, р. Борис Дамовски, ТВ-филм, 1988;
• Мира — „Северна грешка“, р. Борис Дамовски, ТВ-филм, 1990;
• "Остани исправен", р. Кристијан Ристески, ТВ-филм 2005.

Телевизиски серии

• „Македонски народни приказни“, 1986 - 1989;
• „Случки од животот“, 1987;
• "Чук Чук Стојанче", 1987;
• "Кога меракот пее", 1989;
• Перуника — „Од денес за утре“, 2010;
• Жената — "Преспав", 2021-2024.

Награди

• Награда за најдобар млад глумец на МТФ „Војдан Чернодрински“, Прилеп;
• Награда на ревијата „Екран“ за најдобар млад глумец за улогата на Емилија во претставата „Баал“, 1988;
• Признание на ТВ-филмскиот фестивал во Берлин.

Надворешни врски

• Јасмина Поповска на Семрежната филмска база на податоци (англиски)