Ѓорѓи Здравев

Од Википедија — слободната енциклопедија
Прејди на прегледникот Прејди на пребарувањето
Prof dr gjorgi zdravev.jpg
Роден 2 април 1941
Радовиш, Македонија
Починал 8 јануари 2007
Скопје, Македонија

Д-р Ѓорѓи Здравев (Радовиш, 2 април 1941 - Скопје, 8 јануари 2007) — истакнат македонски етнолог и костимограф, редовен професор на Институтот за етнологија и антропологија на Природно-математичкиот факултет при Универзитетот „Св. Кирил и Методиј“ во Скопје.[1]

Кариера[уреди | уреди извор]

Ѓорѓи Здравев е роден во Радовиш во 1941 г. Постигнал голем придонес во етнографската наука и во театарската костимографија во Македонија.

Бил редовен професор на студиите по етнологија при Природно-математичкиот факултет во Скопје и еден од најдобрите познавачи на македонскиот фолклор. Автор е на неколку монографии за македонските народни носии.

Здравев бил истакнат македонски костимограф кој подготвил повеќе од педесет костимографии за театарски претстави во Македонија. За костимите во една од легендарните претстави на Драмскиот театар „Јане Задрогаз“ во 1975 година ја добил Стериината награда во Нови Сад. Бил добитник на наградите „Војдан Чернодрински“, „Гоце Делчев“ за придонес во науката во 1997 година, „13 Ноември“ за особени достигнувања во областа на науката во 2006 година.[2] Двете негови најзначајни научни дела „Македонски народни носии 1“ (1997) и „Македонски народни носии (ткаеници, везови, плетила, китење и накит)“ (2006), претставуваат сублимација на неговата многугодишна научно-истражувачка дејност во една област што и самата сѐ уште претставува недостатно истражено подрачје од нашето културно-национално наследство.

Надворешни врски[уреди | уреди извор]

Наводи[уреди | уреди извор]