Ѓирокастровска тврдина (албански:Kalaja e Gjirokastrës)) е тврдина која се наоѓа во Ѓирокастро, Албанија. Денеска, тврдината е претворена во воен музеј, каде се наоѓаат сувенири на комунистите од Втората светска војна, како и еден американски авион, кој ја претставува комунистичката борба против империјализмот на западните сили. Цитаделата била изградена во најразлични форми, а една од најстарите датира од 12 век. Во 1812 година истата била реконструирана од страна на Али Паша. Во времето на Ахмед Зогу, замокот бил претворен во затвор. Денеска, тврдината има пет кули, од кој на едната се наоѓа и часовник.
