Стара турска пошта
Старата турска пошта е поранешна административна зграда и споменик на културата во Скопје. Сместена е меѓу вилаетскиот конак „Уќумат“ и Мустафа-пашината џамија, спроти тврдината Кале. Зградата е изградена на крајот од XIX век, за што сведочи натписот на камената плоча поставена над влезната врата. Во времето на нејзината изградба, таа била првата турска телеграфана во градот.[1] Првобитно, објектот имал правоаголна основа и се состоел од приземје и кат, а подоцна бил дограден уште еден кат. Како последица на земјотресот од 1963 година, објектот бил оштетен и со неговата рекнструкција бил отстранет доградениот кат.[2]
Поврзано
Наводи
- ↑ Заводот за заштита на спомениците ќе поднесе кривична пријава против Рубин кармин, Утрински Весник, 16 октомври 2006.
- ↑ Стара турска пошта, Скопско наследство.
42°0′5″N 21°26′5″E / 42.00139° СГШ; 21.43472° ИГД
| ||||||||||||||||||||||||||||||||||||||||||||||||||
_(13).JPG)
