Македонски парламентарни избори (2016)
 | Оваа статија обработува тековно збиднување. Информациите можат брзо да се променат со развојот на настаните. |
 | |||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
.svg)
Предвремените парламентарни избори во 2016 година — избори кои треба да се одржат на 11 декември 2016 година.[1]
Позадина
Политичката криза
На 31 јануари 2015 година премиерот Никола Груевски, на прес-конференција објавил дека добивал закани од лидерот на опозицијата Зоран Заев за објавување на нелегално добиен материјал од странска разузнавачка служба. Започнувајќи од 9 февруари 2015 година лидерот на опозицијата, Зоран Заев, преку проектот „Вистината за Македонија“ започнал со објавување на прислушкуваните разговори (т.н. „бомби“), за кои тој обвинил дека власта незаконски ги прислушкувала граѓаните.[2] На 5 мај започнале протести по објавувањето на „бомбата“ за убиството на Мартин Нешковски. На 12 мај оставки си поднеле Гордана Јанкуловска од функцијата министер за внатрешни работи, Миле Јанакиевски од функцијата министер за транспорт и врски и Сашо Мијалков од функцијата директор на УБК.
По Договорот од Пржино
На 2 јуни 2015 во Пржино бил постигнат договор од страна на лидерите на четирите најголеми партии за разрешување на политичката криза. Договорот предвидел враќање на СДСМ во парламентот, нови министри за внатрешни работи и за труд и социјална политика предложени од страна на СДСМ и одржување на предвремени парламентарни избори. На 15 септември Советот на јавни обвинители на предлог на Собранието ја избрал Катица Јанева за специјален јавен обвинител за гонење на кривични дела поврзани и кои произлегуваат од незаконското следење на комуникациите. На 30 декември 2015 Зоран Заев ги предал материјалите од незаконското следење на комуникациите на Специјалното јавно обвинителство.
На 12 февруари 2016 СЈО отворило истражна постапка за својот прв случај, под кодно име „Титаник“, за злосторничко здружување, повреда на избирачкото право, поткуп при избори, уништување на изборни материјали и злоупотреба на средства за изборна кампања во 2012 година.
На 12 април 2016 претседателот на државата, Ѓорге Иванов, донел општ акт за прекинување на сите кривични постапки што се водат против политичари и функционери во Република Македонија, и од власта и од опозицијата, со кој помилувал вкупно 56 лица. По одржаните протести во наредните денови, на 27 мај претседателот ја повлекол одлуката за помилување за 22 најекспонирани политичари, а на 6 јуни и сите преостанати одлуки за помилување. На 14 јуни оставка си поднел вицепремиерот и министер за финансии Зоран Ставрески.[3]
Разрешница на кризата
На 18 октомври 2016 претседателот на Собранието, Трајко Вељаноски, донел решение за распишување на предвремени парламентарни избори.[4] Изборната кампања започнала на 21 ноември.
Гласачи
Според избирачкиот список составот на гласачите е следниов:[5]
| Оваа статија е дел од темата |
| Политиката на Македонија |
|---|
 |
|
|
| Гласачи: | Број |
|---|---|
| за гласање во Република Македонија | 1.531.368 |
| кои согласно евиденцијата на надлежен орган се на привремена работа или престој во странство, а не поднеле пријава за гласање во Дипломатско-конзуларните претставништва или Конзуларни канцеларии, вклучувајќи ги и граѓаните за кои се смета дека се на привремена работа или престој во странство, а кои не поднеле пријава за гласање во ДКП или КК | 230.122 |
| кои за време на изборите се наоѓаат на издржување казна затвор или се во притвор | 2.015 |
| кои согласно евиденцијата на Министерството за труд и социјална политика се водат како внатрешно раселени лица | 13 |
| кои поднеле пријава за гласање во Дипломатско-конзуларните претставништва или Конзуларни канцеларии на Република Македонија во странство | 20.573 |
| членови и заменици членови на избирачки одбори кои ќе го спроведуваат гласањето во Дипломатско-конзуларните претставништва или Конзуларни канцеларии на Република Македонија во странство | 325 |
| Вкупно | 1.784.416 |
Финансирање на кампањата
| Политичка партија: | ТВ Рекламна кампања | Митинзи, средби со граѓани, транспорт | Програма, пропагандни материјали | Закуп на простории | Печатени медиуми | Надворешно рекламирање | Онлајн | Вкупно |
|---|---|---|---|---|---|---|---|---|
| ВМРО-ДПМНЕ | 13.050.000 | 12.803.600 | 22.792.000 | 1.517.000 | 3.156.000 | 1.750.000 | 490.000 | 55.558.600 |
| СДСМ | 16.262.400 | 8.175.000 | 21.560.000 | 10.040.000 | 540.000 | 1.750.000 | 490.000 | 58.817.400 |
| ДУИ | 8.544.000 | 1.250.000 | 0 | 100.000 | 310.000 | 1.450.000 | 42.000 | 11.696.000 |
| Беса | 2.730.000 | 808.500 | 0 | 0 | 0 | 264.000 | 10.000 | 3.812.500 |
| ВМРО за Македонија | 833.000 | 150.000 | 0 | 110.000 | 0 | 180.000 | 0 | 1.273.000 |
Резултати
| Партија | Гласови | % | Седишта | +/– |
|---|---|---|---|---|
| ВМРО-ДПМНЕ | ||||
| Демократска партија на Албанците | ||||
| Демократска унија за интеграција | ||||
| Социјалдемократски сојуз на Македонија | ||||
| Коалиција за промени и правда | ||||
| Партија за демократски просперитет | ||||
| Алијанса за Албанците | ||||
| Либерална партија на Македонија | ||||
| ВМРО за Македонија | ||||
| Движење Беса | ||||
| Левица |
Наводи
- ↑ Решение за распишување на предвремени избори за пратеници во собранието на РМ
- ↑ „Заев ја фрли првата „бомба", деновиве следуваат нови“. Фокус. 2015-02-09. Посетено на 2016-11-20.
- ↑ „Министерот Ставрески поднесе оставка“. Deutsche Welle. 2016-06-14. Посетено на 2016-11-22.
- ↑ „Решение за распишување предвремени избори за пратеници во Собранието на Република Македонија – 11.12.2016 година“. Државна изборна комисија. 2016-10-18. Посетено на 2016-11-20.
- ↑ „Одлука за заклучување на Избирачкиот список“. Државна изборна комисија. 2016-11-28. Посетено на 2016-12-06.
Надворешни врски
| ||||||||||||||||||||||
