Јохан Бајер

Од Википедија — слободната енциклопедија
Илустрација на соѕвездието Орион во Бајеровата „Уранометрија“

Јохан Бајер (герм. Johann Bayer), (15727 март 1625) бил германски правник и астрономски картограф. Роден е во 1572 г во Рајн, Баварија. Во 1592 запишал филозофски студии во Инголштат, а подоцна се преселил во Аугсбург и станал правник. Таму почнал да ја изучува и практикува астрономијата. Во 1612 станал правен советник на градската управа на Аугсбург. Починал во 1625.

Бајер е најпознат по неговиот ѕвезден атласУранометрија“ (Uranometria, 1603), што претставува првиот атлас на сета небесна сфера.[1] Во него вовел нов систем на означување на ѕвездите, подоцна наречен „Бајерово означување“. Во делото се вклучени 12 нови соѕвездија од јужниот крај на небото што не им биле познати на старогрчките и римските астрономи.

Во негова чест е именуван кратерот Бајер на Месечината.

Поврзано[уреди | уреди извор]

Наводи[уреди | уреди извор]

  1. Asimov, Asimov's Biographical Encyclopedia of Science and Technology, II преработено издание

Надворешни врски[уреди | уреди извор]