SIMBAD

СИМБАД или SIMBAD (кратенка од „Set of Identifications, Measurements, and Bibliography for Astronomical Data“, односно „Збир на идентификации, димензии и библиографија за астрономските податоци“) е астрономска база на податоци за објектите надвор од Соларниот систем. Оваа база на податоци ја одржува Центарот за астрономски податоци од Стразбур (CDS), Франција.

СИМБАД е создаден со спојување на Каталогот на ѕвездената идентификација (CSI) и Индексот на библиографија на ѕвездите кои постојат во компјутерскиот центар Меудон, Франција, од 1979 година, а подоцна се проширени со дополнителни извори на податоци од други каталози и од академската литература. Првата интернет интерактивна верзија, позната како Верзија 2, создадена е за користење во 1981 година. Верзија 3, создадена во програмскиот јазик C, пуштена е во опсерваторијата Стразбур во 1990 година. Есента 2006 година се појави Верзија 4, заедно со софтвер за поддршка, овој пат создаден во програмскиот јазик Јава.

Од 14 јуни 2007 година, СИМБАД содржи информации за 3.824.195 објекти со 11.200.785 различни имиња, 209.451 библиографски референци, и 5.455.841 библиографски наводи.

Астероидот 4692 SIMBAD (1983 VM₇) е наречен во негова чест.

Види исто така

• NASA's Planetary Data System (PDS) - a database of information on solar system objects, maintained by the Jet Propulsion Laboratory, California Institute of Technology.
• NASA/IPAC Extragalactic Database (NED) - a database of information on objects outside the Milky Way, also maintained by JPL.
• Bibcode

Надворешни врски

• SIMBAD
• Web interface