Above and Beyoncé – Video Collection & Dance Mixes (2009)
Above and Beyoncé – Video Collection & Dance Mixes е ремикс и видео албум од американската Р&Б пејачка Бијонсе Ноулс. Албумот содржи два диска; првиот диск е составен од музички видеа, а вториот диск е составен од денс ремиксови. На почетокот бил планиран за издавање на 16 јуни 2009 преку Вал-Март продавниците и J&R ексклузивно, иако подоцна бил овозможен преку другите продавници. Above and Beyoncé се искачил на триесет и петтото место на Билборд 200 и бил позитивно прифатен од Енди Келман од Allmusic, кој му дал три од пет ѕвезди. Се појавил и на другите Билборд табели, Топ Р&Б/Хип-Хоп Албуми и Денс/Електронски Албуми.
Омотот за Above and Beyoncé бил прегледан од People.com во мај 2009.[3] Албумот бил оригинално издаден ексклузивно до Вал-Мартпродавниците и J&R, на 16 јуни 2009. Денс миксовите биле овозможени само преку MP3 формат преку Amazon.com на 16 јуни,[4] а целиот албум бил издаден на онлајн продавниците на 3 ноември 2009.[5]iTunes Store почнале со продажбите на ремиксовите од 1 февруари 2010.[6]
Енди Келман од Allmusic го нарекол албумот „добар сет за посветените обожаватели кои не г слушнале сите миксови“ и го наградил со три од пет ѕвезди.[7]Above and Beyoncé за првпат се искачил на табелата Билборд 200 на 4 јули 2009,[8] продавајќи 14,000 копии истата недела.[9] Највисокото место на албумот било триесет и петтото, а вкупно поминал четиринаесет недели на табелата.[10][11] На Топ Р&Б/Хип-Хоп Албуми, Above and Beyoncé за првпат се искачил[12] и воедно тоа била и неговата највисока позиција на дваесет и третото место, а подоцна поминал четириесет и три недели на табелата.[13] На табелата за Денс/Електронски Албуми, албумот се искачил на второто место веднаш зад The Fame од Лејди Гага.[14] Поминал четириесет и осум недели на табелите на Билборд, од кои дваесет и четири недели бил меѓу првите десет.[15]Above and Beyoncé бил рангиран на деветтото место на годишната табела за Денс/Електронски Албуми за 2009,[16] и на дваесет и првото место на табелата од 2010.[17]
↑„Above and Beyoncé: Video Collection & Dance Mixes“. Billboard. Prometheus Global Media. Посетено на March 11, 2011. Забелешка: За да го прикаже бројот на недели во табелата, корисникот мора да го навигира визуализаторот на левата страна на екранот.
↑„R&B/Hip-Hop Songs“. Billboard. Prometheus Global Media. July 4, 2009. Посетено на March 11, 2011.
↑„Dance/Electronic Albums“. Billboard. Prometheus Global Media. July 4, 2009. Посетено на March 11, 2011.
↑„Beyoncé: Chart History“. Billboard. Prometheus Global Media. Посетено на March 11, 2011. Забелешка: За да го прикаже бројот на недели во табелата, корисникот мора да го навигира визуализаторот на левата страна на екранот.