8 април

8 април е 98-иот ден во годината според григоријанскиот календар (99-и во престапна година). Остануваат 267 денови до крајот на годината.

Настани:

1513	Шпанскиот истражувач Хуан Понсе де Леон ја открил Флорида и ја прогласил за Шпански посед. Во 1819. Шпанија ја продала Флорида на САД за 5 милиони УСД и ветување дека ќе се откажат од претензии кон Тексас.
1820	Милоска Венера е откриена на островот Милос во Грција и станала првостепена атракција кога била изложена во Лувр во Франција, иако некои не ја делеле воодушевеноста, на пример Пјер-Огист Реноар рекол дека „потсетува на голем џандар“.
1904	Франција и Обединетото Кралство потпишале „Срдечен сојуз“, предвесник на Антантата која била воен сојуз во текот на Првата светска војна и Втората светска војна, и крај на долговековните војни помеѓу двете земји.
1971	Во Лондон почна Првиот конгрес на Ромите кој траеше до 11 април. По тој повод Организацијата на обединетите нации го прогласи 8 април за Светски ден на Ромите.
1993	Со акламација во Генералното собрание на ОН, Република Македонија е примена како 181 рамноправна членка на Организацијата на обединетите нации под името „Поранешна Југословенска Република Македонија“.
1995	Република Македонија и Сојузна Република Југославија воспоставија дипломатски односи.

Родени:

1784	Дионисио Агуадо, шпански класичен гитарист и композитор од времето на романтизмот († 1849).
1870	Анастас Лозанчев, Македонски револуционер († 1945).
1909	Круме Кепески, македонски педагог, лингвист, преведувач, собирач на македонски народни умотворби, граматичар, автор на првата македонска граматика († 1988).
1911	Емил Чоран, романски философ и есеист († 1995).
1938	Кофи Анан, седми генерален секретар на ООН, добитник на Нобеловата награда за мир во 2001.

Починале:

1848	Гаетано Доницети, италијански оперски композитор, романтичар, творец на музика, полна со драмска динамика.
1973	Пабло Пикасо, шпанско-француски сликар, еден од најголемите светски сликари.
2013	Маргарет Тачер, прва жена премиер на Велика Британија, наречена „Железната леди“.

Празници:

*	Светски ден на Ромите
*	Роденден на Буда во Јапонија.