4 април

4 април е 94-иот ден во годината според григоријанскиот календар (95-и во престапна година). Остануваат 271 денови до крајот на годината.

Настани:

1905	Во Индија земјотрес во близина на Кангра однел најмалку 20.000 животи.
1945	Втората светска војна заврши на територијата на Унгарија, од каде што Црвената армија ги протера германските војски.
1945	Во Скопје излезе првиот број на весникот „Флака е влазеримит“ („Пламен на братството“), прво гласило на албански јазик во Македонија.
1949	Во Вашингтон, министрите за надворешни работи на САД и на 11 западноевропски држави го потпишаа Северноатлантскиот пакт (НАТО), со кој е создадена силна воено-политичка формација на западните сојузници.
1968	Борецот за правата на американците со афричко потекло, Мартин Лутер Кинг е убиен во Мемфис, САД.
1969	Во Хјустон, САД е извршена првата операција за вградување на вештачко срце во човековиот организам. Пациентот умрел по четири дена.
1973	Во Њу Јорк, САД официјално e отворен Светскиот трговски центар, целосно разурнат во терористичките напади на Ал-Каеда од 11. септември 2001.
1975	Мајкрософт е основан од Бил Гејтс и Пол Ален.
1994	Марк Андерсен и Џим Кларк го основале Нетскејп.

Родени:

186	Каракала, римски император (п. 217).
1640	Гаспар Санз, шпански композитор.
1846	Лотреамон, француски поет.
1884	Исороку Јамамото, воен адмирал, јапонски поморски командант (п. 1943).
1927	Томе Момировски, македонски раскажувач.
1932	Антони Перкинс, американски актер (п. 1992).
1932	Андреј Тарковски, руски режисер и сценарист (п. 1986).
1947	Салваторе Шарино, италијански композитор.
1964	Аким Селмани, поранешен член на ОНА.
1976	Емерсон Фереира, бразилски фудбалер.
1979	Хит Леџер, австралиски глумец (п. 2008).

Починале:

1617	Џон Непер, шкотски математичар (р. 1550).
1929	Карл Бенц, германски автоконструктор, пронаоѓач и инженер (р. 1844).
1931	Андре Мишлен, француски индустријалец, производител на автомобилски гуми (р. 1853).
1968	Мартин Лутер Кинг, американски борец за граѓански права и мир (р. 1929).
1988	Славјанка Влахчева, прва современа медицинска сестра во Македонија.