15 ноември

15 ноември е 319-иот ден во годината според грегоријанскиот календар (320-и во престапна година). Остануваат 46 денови до крајот на годината.

Настани:

1492	Кристофер Колумбо, откривајќи ја Америка, ја направи и првата белешка за употребата на тутунот меѓу Индијанците. Тоа беше првиот пишан документ за ова растение, кое наскоро го освои не само стариот континент - Европа, туку и целиот свет, а за кое медицината утврди дека има штетно влијание врз човековото здравје.
1577	Сер Франсис Дрејк, англиски гусар, морепловец и адмирал, тргна на патување околу светот. Неговата активност е од големо значење за англиското колонијално ширење, особено во Северна Америка. Интересно е дека токму Дрејк го пренесе компирот од Америка во Европа, во 1596 година.
1920	Лигата на народите во Женева ја одржа својата прва седница. Лигата е формирана на 28 април 1919 година, со цел да се обезбеди мир и меѓународна соработка на членките на Лигата, но набрзо, поради спротивставените ставови меѓу големите сили, загуби секакво влијание на светската сцена.
1944	Во Скопје, во руинираните простории на некогашната Воена болница кај „Гази Баба“ (Полумесец), беше сместена Болницата на Главниот штаб на НОВ и ПО на Македонија.
1988	Палестина е прогласена за независна држава.
1994	Беа објавени официјалните резултати од пописот, кои покажаа дека во Република Македонија има 1.936.877 жители.
1995	Република Македонија стана членка на програмата на НАТО, Партнерство за мир.
2001	Прогласени Амандманите на Уставот на Република Македонија, во согласност со Охридскиот рамковен договор.
2002	Заврши пописот на населението.
2003	Започна втората фаза од акцијата за собирање на доброволно предаденото нелегално оружје во Македонија.
2004	Премиерот Хари Костов поднесе оставка.
2012	Сји Џинпинг е назначен за Генерален секретар на Комунистичката партија на Кина.

Родени:

1316	Жан I, крал на Франција.
1397	Никола V, римски папа.
1738	Вилијам Хершел, англиски астроном.
1862	Герхарт Хауптман, германски драматург.
1891	Ервин Ромел, позна и како „Пустинска лисица“, германски фелд-маршал (п. 1944.)
1895	Олга Николаевна, ќерка на Николај II.
1912	Кирил Пенушлиски, македонски фолклорист.
1927	Џемаил Вејсели, македонски политичар.
1937	Јафет Кото, американски актер.
1954	Александар Квашневски, претседател на Полска.
1956	Златко Кранчар, југословенски и хрватски фудбалер и тренер.
1983	Александар Павловиќ, српски кошаркар.
1983	Фернандо Вердаско, шпански тенисер.

Починале:

1028	Константин VIII, византиски император.
1280	Свети Алберт Велики, доминикански епископ.
1630	Јохан Кеплер, германски астроном, математичар и физичар.
1670	Јан Амос Коменски, чешки образовен и религиозен лидер.
1787	Кристоф Вилибалд Глук, германски композитор и диригент.
1802	Џорџ Ромни, истакнат англиски портретист.
1808	Мустафа IV, отомански султан.
1916	Хенрик Сјенкјевич, полски новинар.
1976	Жан Габен, француски филмски и театарски артист.
1983	Таки Хрисик, македонски композитор и музички педагог.
2009	Патријарх Павле, српски патријарх.