Шкотски Низини

Од Википедија — слободната енциклопедија
Прејди на: содржини, барај
Разделницата Гори-Низини прикажана како сина испрекината линија

Шкотски Низини (англ. Scottish Lowlands, шко. Lallans, гел. A' Ghalldachd = „странска земја“) — (приближно) јужната половина на Шкотска која е со претежно рамничарски карактер и посебна култура и историја.

Низините немаат формален статус и управна улога, туку се однесуваат на оној дел од земјата што не им припаѓа на Горите (Highlands или Gàidhealtachd). За граница најчесто се зема линија помеѓу Стонхевен и Хеленсбург (на Клајдскиот Ферт). Низините се протегаат јужно и источно од линијата. Некои делови од Низините (како Јужниот Ридски Крај) не се физички „ниски“, додека пак некои подрачја кои неоспорно им припаѓаат на Горите (како што е Ајла) се низински.

Од геолошки аспект, Низините и Горите ги дели Горскиот Граничен Расед (Highland Boundary Fault).

За сите други цели границата не е строго утврдена и се разликува од случај до случај. Ако го земеме Граничниот Расед, тогаш традиционалните окрузи (грофовии) што целосно влегуваат во Низините се Еаршир, Берикшир, Клакмананшир, Дамфрисшир, Источен Лотијан,[1] Фајф, Кинросшир, Керкубришир, Ланаркшир, Мидлотијан,[2] Пиблсшир, Ренфрушир, Роксбрушир, Селкеркшир, Западен Лотијан[3] and Вигтауншир.

Традиционалните окрузи што се протегаат од обете страни на граничниот расед се Ангус, Данбартоншир, Стерлингшир, Пертшир, Кинкардиншир, Абердиншир, Банфшир и Мари.

Географски, Шкотска се дели на три засебни подрачја: Гори, централната рамница (Централниот Појас), и Јужниот Ридски Крај (Southern Uplands). Низините приближно го зафаќаат второто и третото подрачје. Североисточната рамница исто така е низина (како географски така и културно), но во некои случаи се групира заедно со Горите.

Најјужните окрузи во Шкотска кои се најблиску до Англија се нарекуваат „Граници“ (Scottish Borders) и понекогаш се сменаат за посебно подрачје, независно од Низините. Дел од населението на овој низински и пограничен регион се преселило во Алстер како дел од неговата плантажна клонизација, а друг дел заминал за Америка.

Поврзано[уреди]

Наводи[уреди]

  1. Источен Лотијан пред 1921 се нарекувал Хадингтоншир.
  2. Мидлотијан пред 1921 се нарекувал Единбургшир.
  3. Западен Лотијан пред 1921 се нарекувал Линлитгоушир.