Чоколада (филм)
 |
Оваа статија не наведува никакви извори. (ноември 2009) Ве молиме помогнете со тоа што ќе додадете наводи до веродостојни извори. Непроверливата содржина може да биде изменета или отстранета. |
| „Чоколада“ | |
 Оригинален постер |
|
| Режирано од | Лес Халстром |
|---|---|
| Продуцент | Харви Вајнстајн |
| Сценарист | Џоен Харис (роман), Роберт Нелсон Џејкобс (сценарио) |
| Настапуваат | Жилијет Бинош, Алфред Молина, Џони Деп, Џуди Денш |
| Музика | Рејчел Портман |
| Дистрибутер | Мирамакс |
| Премиера | 15 декември 2000 |
| Времетраење | 121 мин. |
| Јазик | англиски, француски |
| Буџет | 25 милиони долари |
Чоколада (француски: Chocolat) е американски филм од 2000 година базиран на истоимениот роман на Џоен Харис, а режиран од Лес Халстром. Сценариото го адаптираше Роберт Нелсон Џејкобс. Чоколада ја раскажува приказната на една млада мајка која пристигнува во фиктивното француско село Ланкен сус Тан со нејзината шест-годишна ќерка и отвора продавница за чоколадо. Нејзиното чоколадо набрзо почнува да го менува животот на мештаните.
Филмот е сниман во селото Флавињи сир Озерен во Бургунди, Франција, како и на други локации во Франција.
Содржина [уреди]
Вијан Роше доаѓа во малото француско село Ланкен сус Тан во зимата 1959 со нејзината ќерка Анук. Заедно ќе отворат продавница за чоколадо токму пред 40-те денови пост и со тоа ќе создадат големи промени и немири кај мештаните. Со нејзината способност да ги препознае тајните желби на своите купувачи и да ги задоволи со точно одбраните слатки, ќе ги натера граѓаните да попуштат во искушението. Самопрогласениот лидер на градот е запрепастен од искушенијата кои Вијан ги создава со своите деликатеси. Плашејќи се дека тоа ќе го уништи моралот на становниците во градот, им забранува да влегуваат кај Вијан во продавница, надевајќи се дека тоа ќе ја натера да го напушти градот. Но, во градот доаѓа уште еден странец, згодниот Роукс (Џони Деп), па тој и неговите луѓе ќе ги здружат силите со Вијан да го ослободат градот, со што доаѓа до конфликт меѓу оние кои ги преферираат старите навики и оние кои уживаат во новоткриениот вкус на задоволството.
Улоги [уреди]
- Жилијет Бинош како Вијан
- Викторија Тибисол како Анук
- Алфред Молина како Комте де Ренауд
- Кери-Ен-Мош како Каролина Клермон
- Џуди Денш како Арманда Вуазан
- Џони Деп како Роукс
- Антонио Гил Мартинез како Жан-Марк Дру
- Хелена Кардона како Франсоас Дру
- Хју О'Конор како Пере Хензи
- Гилан Конел како Диди Дру
- Лена Олин како Жозефина Мускат
- Елизабет Комелин како Ивет Каомарсо
- Петар Стормаре како Сергеј Мускат
- Рон Кук како Алфонсо Марсо
