Цуцулеста сипка

Од Википедија, слободната енциклопедија
Прејди на: содржини, барај
Цуцулеста сипка
Заштитен статус
Научна класификација
Царство: Животни
Колено: Хордати
Класа: Птици
Ред: Врапчарки
Фамилија: Сипки
Род: Гривести сипки
Вид: Цуцулеста сипка
Биномен назив
Lophophanes cristatus
Linnaeus, 1758

Цуцулестата сипка (латински: Lophophanes cristatus, порано Parus cristatus), е песнопојна птица од фамилијата Сипки. Птицата е мошне распространета и често живее и се размножува во зимзелени шуми ширум средна и северна Европа, како и листопадни шумски предели во Франција и Пиринејскиот Полуостров. Во Велика Британија, птицата е ограничена само на древните борови шуми во Инвернес и Стратспи во Шкотска, и од таму ретко излегува. Неколку заскитани цуцулести сипки се видени и во Англија. Цуцулестата сипка ја има и во Македонија. Оваа птица живее на постојано место и највеќето единки не одат на преселба.

Оваа сипка е лесно препознатлива по издигнатата цуцулка, нејзиниот подвиткан врв, како и по карактеристичниот црн оглавник и исправена линија кон клунот. Како и другите сипки, цуцулестата сипка е зборлива, со постојан пој ци, ци, ци“, сличен на појот на еловата сипка.

Оваа птица се гнезди во дупки на гнили пенушки. Честопати се храни долу ниско во дрвјата и, иако не е повлечена, не секогаш може да ѝ се пријде лесно. Зиме се придружува во јата со сипки од други видови.

Како и други сипки, оваа сипка се храни со инсекти, гасеници и семки.

Занимливости[уреди]

Цуцулестата сипка е еден од симболите на шведската покраина Вестманланд.

Наводи[уреди]

  1. BirdLife International (2004). Parus cristatus. „Црвен список на МСЗП - Загрозени видови“ од 2006 г. МСЗП 2006. консултирано на 12 мај 2006 (англиски)

Надворешни врски[уреди]

Галерија[уреди]