Цуцулеста патка
| Цуцулеста патка | |
|---|---|
| |
| мажјак/женка | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Гусковидни |
| Семејство: | Патки |
| Потсемејство: | Aythyinae |
| Род: | Aythya |
| Вид: | Цуцулеста патка |
| Научен назив | |
| Aythya fuligula (Карл Лине, 1758) | |
Цуцулестата патка (Aythya fuligula) е вид птица од семејството патки од редот гусковидни. Ја има во Македонија.
Опис[уреди | уреди извор]
Кај овие патки е изразен половиот диморфизам. Возрасниот мажјак е цел црн, освен што ги има белите слабини и сино-сив клун. Возрасната женка е кафена со посветли слабини, и лесно се помешува со други гусковидни патки. Цуцулестата патка тежи меѓу 500 и 1400 грама, должината на телото ѝ е 40-47 см, а распонот на крилјата околу 72 см. Повеќето од времето се тивки. Добро пливааат и нуркаат, а под вода можат да се задржат од 30 до 40 секунди. Тешко и гласно полетуваат, а летаат насочено.
Распространетост[уреди | уреди извор]
Овие видови на патки, се распространети широко низ умерените појаси и северниот дел на Евроазија. Типични птици преселни се, и зимуваат во јужна Европа и северна Африка. Тие понекогаш може да се најдат како зимни посетители на двата брега на САД и Канада.
Живеалиште[уреди | уреди извор]
Овие патки живеат близу езера, мочуришта, бавни реки, густо обраснати со водни растенија. Често се среќава во делтите на големите реки.
Исхрана[уреди | уреди извор]
Се хранат претежно со животинска храна: ситни рипчиња, мали мекотели, ларви од инсекти, ракчиња и сл. Храната ја бара обично на длабочина од 3 до 4 метри, но може да нурне и до 14 метри.
Размножување[уреди | уреди извор]
Цуцулестата патка е моногамна птица. Паровите се оформуваат уште во текот на зимата. Гнездата ги поставуваат веднаш до водата, често на мали островчиња или на купчиња од стара трска. Несат 3-20 зеленикави јајца со размер 59 х 41 мм и тежина околу 56 грама. Ги лежи само женката 23–28 дена. Испилените младенчиња се доволно развиени да можат сами да се движат и да се хранат.
Наводи[уреди | уреди извор]
- ↑ BirdLife International (2012). „Aythya fuligula“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски[уреди | уреди извор]
 |
„Цуцулеста патка“ на Ризницата ? |
 |
„Aythya fuligula“ на Викивидовите ? |
- Видеа со цуцулести патки Архивирано на 10 февруари 2012 г. од Галеријата на живата природа.