Свети Кирил и Методиј — историска црква во тетовското село Горно Палчиште, која денес е целосно разрушена. Црквата се наоѓала на местото наречено Вакуфиште. Околу неа се наоѓале селските гробови, кои и денес се видливи.[1] Денес целото црквино место, со се темелите и гробиштата се честа мета на трагачи на злато.[2] Црквата била во употреба сè додека во селото имало Македонци. Со присилното иселување, исламизирање и албанизирање, црквата остала запуштена и заборавена.
Една легенда за црквата вели дека еднаш во минатото таа била целосно разрушена. Имено легендата вели дека во селото меѓусебно се ожениле кумови. На денот на самата венчавка во црквата во селото заврнал пороен дожд. Од силните порои се разорила цела црква. Младенците сосе наносот се излеале во сегашната месност наречена Цепен Камен кај месноста Купенка[1].