Христијан Тодоровски - Карпош

Од Википедија — слободната енциклопедија
Прејди на: содржини, барај
Христијан Тодоровски - Карпош
Hristijan Todorovski Karpos.jpg
Роден 3 септември 1921
Куманово
Починал 7 февруари 1944(1944-02-07) (на 22 год.)
Билјача, Прешевско

Христијан Тодоровски - Карпош (Куманово, 3 септември 1921 - 7 февруари 1944, Билјача, Прешевско) — истакнат македонски партизан од НОВ.

Како студент бил член на СКОЈ уште од 1940 г. Поради неговите прогресивни идеи, бил избркан од средното училиште и не му било допуштено да се запише во било кое друго средно училиште во тогашното Кралство Југославија.

Во 1941 учествува во прибирање на оружје, растурање на памфлети и дистрибуција на билтенот „Дедо Иван“, кој бил издаван од страна на градската партизанска организација.

Се истакнал како организатор на Народноослободителната антифашистичка војска на Македонија (НОАВМ). Бил член на Козјачкиот НОПО (Народноослободителен партизански одред) од 12 октомври 1941 г. и член на партизанскиот штаб од Куманово, а откако одредот бил разбиен, преминувал во Вториот јужноморавски НОПО и Кукавичкиот НОПО, наизменично (1942-43). На 26 јуни 1943 станал командант на Кумановскиот НОПО, кoj пoстeпeнo нараснувал и на 1. XII 1943 бил официјално преименуван во Прв кумановски народноослободителен баталјон „Јордан Николов – Орце“.[1]

Бил убиен од страна на бугарскиот окупатор на 7 февруари 1944 г. за време на нападот на бугарското воено и полициско упориште во с. Билјача, Прешевско.

Прогласен е за народен херој на 29 јули 1945.[2]

Поврзано[уреди]

Наводи[уреди]

  1. Енциклопедија Македоника, Скопје, 2009, книга II, стр 1490
  2. Енциклопедија Македоника, Скопје, 2009, книга II, стр 1490