Фондацијата на Обединетите Нации

Од Википедија — слободната енциклопедија
Прејди на: содржини, барај

Фондацијата на Обединетите Нации е основана во 1998 година со финансиска помош од Тед Тарнер со цел да им помогне на Обединетите Нации во спроведување на своите програми низ целиот свет. Создавањето на Фондацијата имало за цел да ги охрабри другите добротворци да ги подржат Обединетите Нации во своите активности.[1] Главните области на кои Фондацијата обрнува внимание се здравјето, климатските програми и енергијата, одржлив развој, технологија, жени и население и поддршка на Обединетите Нации.[2]

Фондацијата на Обединетите нации била вклучена и во некои од најголемите глобални кампањи, како што се: Nothing but Nets (кампања за борба против маларијата), the Measles Initiative (кампања за намалување на смртноста на малите сипаници), Better World Campaign (кампања за подобар свет) , Climate Change (кампања за климатските промени) и многу други. Тие исто така се ангажираат за работа со млади и за обнова на Хаити.

Историја[уреди]

Првичната цел на Фондацијата на ОН била да помогне за обединување на нациите и поединците и да се осигура дека САД ги почитува сите обврски кон Обединетите нации. Уште од своето основање Фондацијата на ОН и Кампањата за подобар свет (Better World Campaign) обезбедиле средства, со цел ОН подобро да ги исполнува своите цели низ светот. Фондацијата на ОН престставува најголемиот извор за приватно финансирање на ОН.[3]

Фондацијата на ОН има собрано повеќе од 125 милиони долари од други извори, како и од други фондации, корпорации, невладини организации и поединци. Таа исто така соработува со партнери од ОН, со цел да се обезбедат препораки за политиките и предлози за проекти. Тековната буџетска анализа на Фондацијата на ОН е 82.6 милиони долари кои се трошат за програмски сервиси, 6.9 милиони долари за собирање финансиски средства и 5.6 милиони долари за управување и административни трошоци.[4]

Изборот на Тарнер за неговата донација[уреди]

Тед Тарнер, сопственик на корпорацијата ‘‘Тајм Варнер‘‘ (Time Warner), која имаше вредност од 3.2 милијарди долари, во 1996 година одлучи да даде придонес од 1 милијарда долари на Обединетите Нации. Тој претходно донирал во слични цели и целосно ги подржал целите на ОН. Пред да го даде овој голем придонес на ОН, Тарнер бил поборник за заштита на животната средина, особено учествувал во програмите против глобалното затоплување. Тарнер сметал дека неговата донација од 100 милиони долари годишно за период од 10 години, ќе помогне во раководењрто на ОН. Тој со оваа донација се обидел да ги поттикне останатите богати членови на општеството финансиски да придонесат за работата на ОН.[5]

Лидерство[уреди]

Мухамед Јунис, еден од почесните членови на одборот на директори

Со Фондацијата на ОН раководи претседателот и главен изршен директор, Кети Келвин. Пред да стане извршен директор на Фондацијата на ОН, таа била претседател на корпорацијата ‘‘АОЛ Тајм Варнер‘‘ (AOL Time Warner).[6] Претседател на Фондацијата во периодот од 1998 до 2013 година бил Тимоти Вирт, поранешен Конгерсмен на САД, Американски сенатор, и првиот потсекретар за глобални прашања за време на мандатот на американскиот претседател Бил Клинтон.[7] Други позначајни членови на одборот се: кралицата Ранија Ал-Абдула од Јордан, Кофи Анан, Гро Харлен Брунтланд и Мухамед Јунис.[8]

Историја на односот меѓу Фондацијата и ОН[уреди]

Кога Фондацијата била основана, единствена нејзина цел била да им помогне на ОН во решавањето на разни проблеми, посебно фокусирајќи се на проблемите и од модерното време. Фондацијата сакала да му помогне на тогашниот генерален секретар на ОН, Кофи Анан во проблемот со реформирањето на ОН. Исто така нејзин приоритет бил да го зајакне воспоставувањето на програмите кои се покажале како успешни, односно програмите за здравјето на децата, управување со населението, прашања за животната средина и мини. Еден од главните приоритети бил да соработува со приватниот сектор за да се соберат повеќе финансиски средства за ОН. Фондацијата исто така имала намера да ја подигне свеста на ОН и програмите кои тие ги спроведувале меѓу американското население. Од самиот почеток Фондацијата воспоставила блиски односи со ОН и нивното раководство, за да се постават цели и да се обезбеди финансирање за одредени програми.[9]

Посебни кампањи[уреди]

Грижа за здравјето на децата[уреди]

Едно од светските прашања на кое Фондацијата на ОН се фокусира е здравјето на децата. Таа соработува со партнери од приватниот сектор и разни агенции на ОН, со цел да се справи со со различни проблеми поврзани со здравјето на децата. Една од нејзините најголеми кампањи се занивава со намалување на бројот на смртни случаи од мали сипаници. ‘‘Иницијативата против мали сипаници, како што е наречена, е партнерство помеѓу Фондацијата на ОН, Американскиот Црвен Крст, УНИЦЕФ, Центарот за контрола на болести и Светската здравствена организација. Нивната цел е да обезбедат вакцини против мали сипаници за децата од африканскиот континент. Во првата година од постоењето на оваа кампања во осум африкански земји биле разделени вакцини и биле вакцинирани повеќе од 21 милион деца. Оваа кампања не се фокусира само на вакцинација на децата туку и на спроведување здравствена инфраструктура и овозможување подобар пристап до здравствената нега низ целиот континент.[10] Фондацијата на ОН исто така ја предводи и кaмпањата за борба против маларијата низ африканскиот континент, ‘‘ Nothing But Net‘‘. Оваа кампања започна кога уредникот на американското спортско списание ‘‘Sports Illustrated‘‘, Патрик Рејли, објавил статија во кој ги повикува своите читатели да донираат пари за купување на мрежи за комарци кои ќе им бидат од корист на оние кои се заболени од маларија во Африка. Со помош на Фондацијата на ОН, проектот на Патрик Рејли успеа и се овозможија средства за купување на повеќе од 3.5 милиони мрежи против комарци во Африка.[11]

Младински кампањи[уреди]

Фондацијата на ОН неодамна го претстави новиот Глобален совет на преприемачите, којшто е составен од 10 нови претприемачи на возраст од под 40 години, кои ќе соработуваат со ОН за решавање на глобалноте прашања на 21 век, односно начинот на размислување. Тука спаѓаат поранешниот директор за маркетинг на Facebook, Ренди Цукерберг, извршниот директор на Yahoo!, Мариса Маер, и издавачот на Варајети Магазин (Variety Magazine), Брајан Гот.[12]

Клима и енергија[уреди]

Еден од најголемите глобални проблеми со кој се занимава Фондацијата на ОН се климатските промени и енергијата. Фондацијата се фокусира на одржлива енергија, како и климатските промени и зачувувањето на биолошлата разновисност. Програмата на Фондацијата за климатски промени и одржлива енергија соработува со партнери од невладиниот сектор, Обединетите нации, влади и приватни корпорации за да пронајде решение и да обезбеде финансии за програми поврзани со ова прашање. Една од овие кампањи која се занимава со прашања за климатските промени и енергијата има за цел да ги обезбеди заедниците низ светот со обновливи извори на енергија со цел да се промовира одржливоста на глобално ниво.[13]

Хаити[уреди]

Во соработка со музичката група Linkin Park, Фондацијата собираше финансиски средства за инсталирање на светла на соларно напојување во кампови во Хаити. Оваа музичка група тесно соработува со Фондацијата за финансирање на овој проект. Со обезбедување на светла во овие кампови, се намалува бројот на насилства и сулувања врз жените и децата, кои често се случувале навечер поради недостаток на светлина во овие кампови.[14]

Поддршка од ОН за САД[уреди]

Фондацијата на ОН има навистина блиски односи со Обединетите Нации, бидејќи ОН обезбедува големи финансирања за нејзините програми. Преку спонзорства и финансирања од Кампањата за подобар свет (Better World Campagn), Фондацијата на ОН работи да ги подобри односите со Соединетите Американски Држави и со Обединетите нации. Кампањата за подобар свет се залага на Конгресот со цел да се осигура дека САД ги исполнува своите финансиски обврски кон Обединетите Нации и дека го отплаќа својот долг. Оваа кампања исто така и овозможува на Фондацијата да има директен пристап до законодавните и административните овластувања на САД.[15]

Наводи[уреди]

  1. Adam Cohen and Aixa M. Pascual. „Ted Turner: Putting His Money...“, „Time“, 29 септември 1997 (конс. 27 април 2011).
  2. Dyan Machan (1 јуни 1998), „Tim Wirth's Shopping List“, Forbes Magazine v.161 
  3. Ted Turner and Timothy Wirth (2001). „A Key Partner for Innovative Alliances – The United Nations Foundation“. UN Chronicle no.4. 
  4. „United Nations Foundation: Financial Information“. United Nations Foundation. 2010. http://www.unfoundation.org/about-unf/financial-information. конс. 24 април 2011. 
  5. Howard Fineman and Carol Bogert (29 септември 1997), „Why Ted gave it away“, Newsweek v.130 
  6. „Kathy Calvin“. M Health Summit. 2010. http://www.mhealthsummit.org/2010/conference/speakers-moderators/kathy-calvin. конс. 2011-04-247. 
  7. Dyan Machan (1 јуни 1998), „Tim Wirth's Shopping List“, Forbes Magazine v.161 
  8. „United Nations Foundation: Our Board“. United Nations Foundation. 2010. http://www.unfoundation.org/about-unf/our-board. конс. 24 април 2011. 
  9. „Spending Ted's money“, Newsweek v.130, 1 декември 1997 
  10. Phyllis A. Cuttino (Јуни–Август 2002), „Where a child dies each minute“, UN Chronicle v.39.2 
  11. Patrick Reilley (25 април 2011). „Nothing But Nets: A Global Movement to Fight Malaria“. The Huffington Post. http://www.huffingtonpost.com/patrick-reilly/malaria-and-nothing-but-n_b_853462.html. конс. 26 април 2011. 
  12. Julian Flemming (24 април 2011). „UN Foundation Announces Inaugural Class of Global Entrepreneurs Council“. http://www.iewy.com/24394-un-foundation-announces-inaugural-class-of-global-entrepreneurs-council.html. конс. 26 април 2011. 
  13. „UNEP DTIE Energy Branch: Activities“. United Nations Environment Programme. http://www.uneptie.org/energy/activities/islp/sponsors.htm. конс. 27 април 2011. 
  14. James Montgomery (19 април 2011). „Linkin Park Detail Ongoing Recovery Efforts in Haiti“. MTV. http://www.mtv.com/news/articles/1662279/linkin-park-haiti-recovery-efforts.jhtml. конс. 26 април 2011. 
  15. Phyllis Cuttino (Декември 2001 – Февруари 2002), „The Better World Campaign“, UN Chronicle v.38.4 

Надворешни врски[уреди]