Тур Даун Андер

Од Википедија — слободната енциклопедија
Прејди на: содржини, барај
Тур Даун Андер
Тур Даун Андер 2014
Tour Down Under logo.png
Лого на трката
Детали за трката
Датум јануари
Регион Јужна Австралија
Локално име Tour Down Under
Дисциплина Друмски велосипедизам
Натпреварување Светска турнеја UCI
Вид Етапна трка
Директор на трката Мајкл Тартар
Историја
Прво издание 1999 (1999)
Изданија 16 (до 2014)
Прв победник  Стјуарт О’Грејди (АВС)
Најмногу победи  Сајмон Геранс (АВС) (3 победи)
Неодамнешен победник  Сајмон Геранс (АВС)

Тур Даун Андер (англиски: Tour Down Under) — велосипедска трка во и околу Аделејд, Јужна Австралија и околината. Трката привлекува возачи од целиот свет. Во 2005, Тур Даун Андер била категоризирана со највисок рејтинг надвор од Европа од Меѓународниот велосипедистички сојуз. Во 2007, премиерот Мајк Ран и министерот за туризам Џејн Ломакс Смит започнале кампања за Тур Даун Андер да стане првата трка надвор од Европа со статус ProTour. Овој статус би обезбедил гаранција дека сите елитни екипи ќе учествуваат секој јануари во Аделејд.[1] Во 2008, Тур Даун Андер станала првата UCI ProTour трка надвор од Европа и следната година станала прва трка во календарот на Светскиот ранкинг.

Во септември 2008, премиерот Ран најавил дека седумкратниот победник на Тур де Франс, Ленс Армстронг, ќе го направи своето враќање во професионалниот друмски велосипедизам на изданието на трката во 2009 година.[2] Учеството на Армстронг во 2009 ги срушило сите претходни рекорди на спортските настани одржани во Јужна Австрија. Бројот на посетители двојно се зголемил, економското влијание било повеќе од двојно (од 17,3 милиони долари во 2008, на 39 милиони во 2009), а медиумската покриеност петкратно се зголемила.[3] Трката во 2011 поставила нов рекорд со економско влијание од 43 милиони долари и привлекла повеќе од 782.000 луѓе.[4]

Покрај Тур де Франс, трката привлекува најмногу публика покрај патиштата во светот. Во 2013, привлекла повеќе од 760.400 луѓе во текот на осумте етапи, вклучувајќи 40.000 странски посетители кои специјално патувале за трката.

Историја[уреди]

Список на крајни победници[уреди]

Возач Тим
1999 Австралија О’Грејди, СтјуартСтјуарт О’Грејди (АВС) Кредит Агрикол
2000 Франција Мањан, ЖилЖил Мањан (ФРА) Аг2р Превојанс
2001 Австралија О’Грејди, СтјуартСтјуарт О’Грејди (АВС) Кредит Агрикол
2002 Австралија Роџерс, МајклМајкл Роџерс (АВС) Австралиски институт за спорт
2003 Шпанија Астарлоза, МикелМикел Астарлоза (ШПА) Аг2р Превојанс
2004 Австралија Јонкер, ПатрикПатрик Јонкер (АВС) UniSA
2005 Шпанија Санчез, Луис ЛеонЛуис Леон Санчез (ESP) ONCE
2006 Австралија Геранс, СајмонСајмон Геранс (АВС) Аг2р Превојанс
2007 Швајцарија Елмигер, МартинМартин Елмигер (ШВА) Аг2р Превојанс
2008 Германија Грајпел, АндреАндре Грајпел (ГЕР) Тим Хај Роад
2009 Австралија Дејвис, АланАлан Дејвис (АВС) Квик Степ
2010 Германија Грајпел, АндреАндре Грајпел (ГЕР) Тим ХТЦ-Колумбија
2011 Австралија Мајер, КамеронКамерон Мајер (АВС) Гармин-Сервело
2012 Австралија Геранс, СајмонСајмон Геранс (АВС) ГринЕЏ
2013 Холандија Слагтер, Том-ЈелтеТом-Јелте Слагтер (ХОЛ) Бланко Про Сајклинг
2014 Австралија Геранс, СајмонСајмон Геранс (АВС) Орика-ГринЕЏ

Победници по земја[уреди]

# Земја Победи
1. Австралија Австралија 9
2.  Германија 2
 Шпанија 2
4.  Франција 1
 Холандија 1
 Швајцарија 1

Список на женски победници[уреди]

Возач Тим
2007 Австралија Мекферсон, ЏениЏени Мекферсон (АВС)

Директори на трката[уреди]

Движење[уреди]

Генерално, трката се одржува со етапи во близината на Аделејд, кои се разликуваат од рамни до умерено високи. Тука нема големи планини, давајќи им малку можностѕи на специјалистите за планини да ги покажат нивните особени вештини. Едно од поинтересните искачувања вклучува два круга на Вилинга Хил, 3 километри искажување со просечен наклон од 7,6%.[5] Сепак, скоро на секоја од овие етапни трки се завршува како бурен спринт. На трката нема хронометри, како што е типично во трките во раната сезона и за да се избегнат дополнителните трошоци за испорака на меѓународните тимови.

Временските условите во Јужна Австралија во доцен јануари често се многу лоши за велосипедистите, бидејќи е многу топло, често достигнувајќи и над 40 степени.

Маички[уреди]

Предводниците во пласманите во текот на трката носат карактеристични маички.[6]

Моментални маички[уреди]

  • Маичка Охра се доделува на возачот на најбрзото кумулативно време на крајот на секоја етапа и на победникот на крајот. Охра се поврзува со Австралија и Тур Даун Андер е единствениот кој ја има оваа боја за лидерот.
  • Спринтерската маичка се доделува на возачот со најмногу бодови и временски бонуси на првите три возачи низ линијата во текот на трката и на крајот.
  • Маичката Крал на планините се доделува на возачот со освоени најмногу бодови на првите пет возачи преку искачувањето.
  • Маичката за Млад возач се доделува на водечкиот возач под 23 години на крајот на секоја етапа.
  • Маичката за Најагресивен возач ја носи возачот, кој направил најмногу напади, бегства или им помагал на тимските колеги за време на етапата.
  • Маичката за Водечкиот тим ја носат членовите на тимот со најниско кумулативно време од неговите четворица најдобри возачи на секоја од шестте етапи.

Трка Биди Активен[уреди]

Учесници на Трката Биди Активен во 2005, кај Ангастон

Тур Даун Андер има придружен настан, Трка Биди Активен (Be Active Tour). Ова е еден од најбрзо растечките рекреациски настани во Австралија, се одржува по истата патека на професионалците подоцна во денот. Почетниот настан, кој бил во 2003 бил познат како Breakaway Tour и привлекол повеќе од 600 возачи. Во 2004, бројот на возачи се зголемил на 1.400 и настанот станал познат како Be Active Tour. Трката во 2005 ја следеле повеќе од 1.900 возачи, возејќи низ Салисбери, Вилијамстаун и Ангастон на 30 степени и справувајќи со ридовите на етапата број 2. Во 2006, возачите возеле 154 километри од Страталбин до Јанкалила на неверојатно 40 степени. Тоа се одрази на возачите и затоа сега постои политика за топлина.

Во 2007, името повторно било променети во Mutual Community Challenge Tour и се придружил на Mutual Community Fun Tour и Powerade mini-tour за деца. Новите настани ја зголемиле популарноста на настанот и привлекле луѓе, кои не возат постојано.[7] Во 2010 имало над 8.000 учесници.

Серија за жени[уреди]

Постоеле и серии за жени на три улични патеки. Ова било спонзорирано од UniSA и било генерално одржувано на истите места од машката трка, или на крајот на машката трка.[8]

За изданието во 2011, имало две трки во серијата наречени Rendition Homes Santos Women’s Cup.[9]

Рекорди[уреди]

Австралискиот велосипедист Сајмон Геранс (2006, 2012 и 2014) е единствениот возач кој го освоил Тур Даун Андер рекордни три пати.

Всушност, никогаш немало последователен победник, што значи никој не ја освоил трката две години по ред.

Традиции[уреди]

Една традиција на Тур Даун Андер е дека фановите избираат непознат возач и го третираат на начин како да е ѕвезда, од следење во хотели и испишувајќи го неговото име на патот. Возачот мора да биде од неанглиско говорно подрачје, немал досега учествувано на голема трка и едноставно сега ја започнал кариерата.[10] За 2010 тој возач бил Артур Вишо од Франсе де Жу. За 2011, бил избран Анхел Мадразо од Тим Мувистар.[11] За 2012, возачот е Ваутер Мол од Вакансолел-ДКМ.[12]

Наводи[уреди]

  1. "ProTour Heads Down Under", Cycling News, 28 септември 2007
  2. Associated Press, 24 September 2008
  3. Cycling News 20 февруари 2009).
  4. http://www.bikeexchange.com.au март 2011
  5. „Олд Вилунга Хил; Јужна Австралија, Австралија“. Cycle2max.com. http://cycle2max.com/bike-hill-climb/Old-Willunga-Hill.aspx?id=656. конс. 7 јануари 2011. 
  6. „Маички“. 2006 Jabob's Creek Tour Down Under. архивирано од оригиналот на 17 септември 2006. http://web.archive.org/web/20060917085930/http://www.tourdownunder.com.au/2006/index.php?id=jerseys. конс. 16 јануари 2007. 
  7. „Mutual Community Challenge Tour“. Tour Down Under. архивирано од оригиналот на 6 јануари 2007. http://web.archive.org/web/20070106154048/http://www.tourdownunder.com.au/node/9. конс. 16 јануари 2007. 
  8. Етапи и резултати | Тур Даун Андер. Retrieved 2007-01-16.
  9. Cyclingnews.com.au. Retrieved 2010-10-10.
  10. Port Adelaide CC Forum "Operation: Support Obscure TDU Pro". Retrieved 2010-03-02.
  11. Port Adelaide CC Forum "Operation: Support Obscure TDU Pro"
  12. Port Adelaide CC Forum "Operation: Support Obscure TDU Pro"

Надворешни врски[уреди]