Томо Софрониевски
Томо Софрониевски (Тетово, 18 април 1920 - Скопје, 18 ноември 2007) — македонски првоборец и политичар[1].
Животопис[уреди | уреди извор]
Софрониевски е роден во Тетово на 18 април 1920 година во сиромашно и работничко семејство. Како припадник на работничкото движење во 1938, бил и член на КПЈ (1940). Тој бил еден од организаторите на НОБ во Тетово и Тетовско (1941). Ја извршувал и функцијата секретар на МК на КПЈ и бил член на Воениот штаб на МК на КПЈ во Тетово. Подоцна бил и член на ОК на КПЈ (од 1942 до 1943) и на Првиот областен комитет на КПМ, заменик политички комесар на Штабот на Првата оперативна зона на НОВ и ПОМ, политички комесар на НО баталјон „Орце Николов“ во 1943 година и командант на Военото подрачје за Кичево и Тетово (1944). По Ослободувањето извршувал разни општествени функции. Бил претседател на СЗБ од НОВМ. Носител е на Партизанска споменица 1941[2]. Починал во Скопје во на 18 ноември 2007 година[3].
Наводи[уреди | уреди извор]
- ↑ Македонска енциклопедија. II (прво. изд.). Скопје: МАНУ. ISBN 978-608-203-024-2 Проверете ја вредноста
|isbn=: checksum (help). - ↑ ДАРМ - Скопје, ракописна биографија, ф. „Биографии“
- ↑ „ПОСЛЕДЕН ЗБОР Томо Софрониевски“. 20 ноември 2007. Посетено на 2009-10-27.[мртва врска]