Томаш Бердих

Од Википедија — слободната енциклопедија
Прејди на: содржини, барај
Томаш Бердих
Tomas Berdych 2013.jpg
Бердих во 2013 година
Земја  Чешка
Место на живеење Монте Карло, Монако
Роден на 17 септември 1985 (1985-09-17) (29 г.)
Роден во Валашки Мезиричи, Чехословачка
Висина 1.96 м
Професионалец 2002
Игра со • десна рака
• дворачен бекхенд
Заработка $17,501,338
Синглови
Победи-порази 450-243 (64.9%)
Титули 9
Највисок дострел Бр. 5 (9 август 2013)
Моментално место Бр. 5 (14 април 2014)
Резултати на Гренд Слемови
Австралијан Опен SF (2014)
Ролан Гарос SF (2010)
Вимблдон F (2010)
УС Опен SF (2012)
Други турнири
Tour Finals SF (2011)
Олимписки игри QF (2004)
Во двојки
Победи-порази 92–99 (48.17%)
Титули во кариера 2
Највисок дострел Бр. 54 (10 април 2006)
Моментално место Бр. 103 (14 април 2014)
Резултати на Гренд Слемови
Австралијан Опен QF (2005)
Ролан Гарос 2R (2005)
Вимблдон 2R (2005)
УС Опен 2R (2004)
Ажурирано на: 20 март 2014.

Томаш Бердих (чешки изговор: [toˈmaːʃ ˈbɛrdɪx]; роден на 17 септември, 1985) е чешки професионален тенисер.

За негов најзначаен успех во кариерата се смета пласманот во финалето на Вимблдон 2010, приредувајќи изненадувања со победите над првиот носител и шесткратен шампион, Рожер Федерер во четвртфиналето, и третиот играч во светот, Новак Ѓоковиќ во полуфиналето. Во финалето, тој беше поразен од Рафаел Надал.

Бердих е еден од малкуте активни тенисери кои успеал да игра полуфинале на сите четири гренд слем турнири. Во 2010, тој стигнал до полуфиналето на Отвореното првенство на Франција, победувајќи го четвртиот носител Енди Мареј во четвртото коло, пред да биде поразен од Робин Содерлинг.[1] Две години подоцна, тој стигнал до своето единствено полуфинале на Отвореното првенство на САД каде забележал победа над Рожер Федерер во четвртфиналето, а потоа во полуфиналето бил поразен од шампионот Енди Мареј. Во 2014, на Отвореното првенство на Австралија, Бердих стигнал до полуфиналната фаза, каде бил поразен од шампионот Станислас Вавринка во четири сета. Тој е вториот играч (по Давид Налбандијан) кој го победил Рожер Федерер повеќе пати на гренд слем турнирите пред полуфиналната фаза.

Тој го освоил Мастерсот во Париз во 2005, победувајќи го во финалето Иван Љубичиќ во пет сета. Одтогаш, Бердих играл уште две мастерс финалиња, во Мајами во 2010 и во Мадрид во 2012, но бил поразен од Енди Родик и од Рожер Федерер редоследно. Негово највисоко место на АТП листата е 5-то место, кое што го достигнал на 9 август, 2013 година

Тој исто така го играл најдолгиот натпревар во историјата во конкуренција на двојки, заедно со Лукаш Росол, во победата над Марко Чиудинели и Станислас Вавринка во првото коло од Дејвис Купот во 2013 од 6–4, 5–7, 6–4, 6–7, 24–22. Натпреварот беше одигран на 2 февруари 2013 и траеше 7 часа и 2 минути.

Ран живот[уреди]

Бердих е роден во Валашки Мезиричи, Моравија, Чехословачка како син на Хана Бердихова и Мартин Бердих. Тој започнал да игра тенис на пет годишна возраст во тенискиот центар во својот роден град Валашки Мезиричи. Неговиот татко, Мартин, бил инженер за возови, додека пак неговата мајка, Хана, е докторка. На осум годишна возраст, Бердих стигнал до државното финале во Пардубице во својата возрасна група и го освоил. Бердих набрзо станал најдобар чешки јуниор, освојувајќи ја чешката јуниорската титула до 12 години. Тој потоа се преселил во градот Простјејов поради можноста да тренира со подобри спаринг партнери и подобри тренери. Иван Лендл еден период бил негов тренер.

Личен живот[уреди]

Бердих е голем љубител на хокејот на мраз, и негов омилен тим е Детроит Ред Вингс. Тој се има запознаено со многу чешки хокеари од НХЛ-лигата и златниот олимписки тим од 1998 година. Негова омилена подлога е тврдата подлога, и тој смета дека негови најсилни удари се форхендот и сервисот. Негов тренер е чехот Томаш Крупа, а негов фитнес тренер е шпанецот Хозе Феликс Гонзалез Кастиља.[2]

Бердих беше во врска со чешката тенисерка Луција Шафарова девет години се до летото 2011 година. Од есента 2011, тој е во врска со моделот Естер Саторова.

Големи финалиња[уреди]

Гренд слем финалиња[уреди]

Поединечно: 1[уреди]

Исход Година Гренд слем Подлога Противник Резултат
Финалист 2010 Вимблдон Трева Шпанија Рафаел Надал 3–6, 5–7, 4–6

Мастерс финалиња[уреди]

Поединечно: 3[уреди]

Исход Година Мастерс Подлога Противник Резултат
Победник 2005 Париз Тепих Хрватска Иван Љубичиќ 6–3, 6–4, 3–6, 4–6, 6–4
Финалист 2010 Мајами Тврда САД Енди Родик 5–7, 4–6
Финалист 2012 Мадрид Земја Швајцарија Рожер Федерер 6–3, 5–7, 5–7

Наводи[уреди]

Надворешни врски[уреди]