Титов Врв

Од Википедија — слободната енциклопедија
Прејди на: содржини, барај
Титов Врв
Titov vrv a Turcin.jpg
Титов Врв (лево) и Мал Турчин (десно)
Висина 2.747 м
Местоположба Македонија Македонија
Венец Шар Планина
Координати 41°59′31″ СГШ 20°47′53″ ИГД / 

Координати: 41°59′31″ СГШ 20°47′53″ ИГД / 

Титов Врв или Голем Турчин е највисокиот врв на Шар Планина и втор највисок врв во Македонија по врвот Голем Кораб. Височината му е 2.747 м. Врвот е сместен на масивот Рудока. Под врвот на јужната страна извира Боговинската Река, а од северната - Пена.

Општо за врвот[уреди]

Овој врв е највисокиот врв на Шара и втор по височина во Македонија. Како што е горенаведено, висок е 2747 м. Се наоѓа во средишниот дел на планината, во највисокиот нејзин дел, во кој се наоѓаат сите три врва на планината кои што се повисоки од 2700 мm. Самиот Титов Врв е теменест, широк околу 9 м, а на платото на врвот, како што е познато, има изградено планинарска кула. Според неофицијални податоци, Вакуфската патека, која тргнува од Попова Шапка и завршува на Титов Врв е долга 15-17 км, а самото искачување по оваа патека трае 4-5 ч. Неверојатно е чувството, кога по околу 4 часа макотрпно пешачење, ќе го здогледате врвот, најмногу препознатлив по кулата. И токму од тој миг, кога ви се чини дека врвот ви е на дофат, имате уште цели 60-тина минути пешачење. Според многумина, ова се најтешките минути, што од физички аспект (тука теренот е најстрмен и најтежок), така и од психички, поради илузијата дека кулата е блиску, а сепак релативно далеку, а секако тука е и неизбежното исцрпувачко чувство на нестрпливост. За тие 4-5 часа искачување, интересен е фактот дека нема да здогледате траги на цивилизација. Ќе бидете опкружени со недогледни пасишта со сочна трева, а на некои места, ќе здогледате по некој „снежен јазик“ – како што планинарите популарно ги именуваат местата на кои снегот сè уште упорно се бори со нежното планинско сонце.

Етимологија на името[уреди]

Местото каде што се наоѓа врвот е во внатрешноста на шарскиот масив. Околу него се наоѓаат уште 2 врва со пониска висина и тоа Мал Турчин 2702 м и Бакардан 2700 м. Најстарото име за ова место датира од многу одамна како Турчин што всушност ги означува трите врва. За време на владеењето на Турците врвот во средината го добива името Турчин или Турчин Планина, а останатите два ги добиваат и сегашните имиња, т.е. Мал Турчин и Бакардан. Името останува Турчин се до 1934 година кога во месец октомври е преименуван во Александров Врв, во слава на српскиот крал Александар I Караѓорѓевиќ. За време на Втората светска војна врвот го добива своето старо име Турчин или Голем Турчин.[1] Така е сè до 21 април 1953 година кога со оклука на Собранието на НР Македонија врвот го добива денешното име Титов Врв.

Наводи[уреди]

  1. За името на Титов Врв на Шар Планина - Илија Петрушевски на ИГЕО

Надворешни врски[уреди]