Тиква

Од Википедија — слободната енциклопедија
Прејди на: содржини, барај
Pumpkins.jpg

Тикви се едногодишни растенија од фамилијата Cucurbitaceae. Потекнуваат од Централна Америка. Познати се повеќе видови, а позначајни се:

  • обична,
  • готварска (Cucurbita pepo var. cylindrica),
  • мускатна (Cucurbita moshata) и
  • печенка (Cucurbita maxima).

Се одгледуваат заради плодовите кои содржат сува материја (8-16%), а во неа има: шеќери (3–8%), пектини (0,3–0,8%), азотни материи (0,3-1,2%), каротин (20%). Се консумираат варени, пржени или печени. Мускатната се користи и како додаток во сокови и за детска храна. Семето е богато со масло, кое се користи во индустријата. Се одгледуваат на отворено. Тие се топлољубиви, оптималната температура за интензивен раст и развој е 25-30 степени целзиусови.

Морфолошки својства[уреди]

Корен[уреди]

Тиквата има добро развиен коренов систем кој достигнува длабочина преку 1м. Главната коренова маса е развиена на длабочина од 50см.

Стебло[уреди]

Стеблото на тиквата е зелјасто, разгрането, обраснато со мов. На стеблото може да има боцки. Должината на главното стебло достигнува од 3-4м. Обичната и мускатната тиква имаат цилиндрично стебло, додека бундевата има петоаголно стебло. Интернодиите кај тиквичката се многу кратки и таа формира жбунесто стебло. На коленцата на стеблата можат да се формираат адвентивни корења.

Лист[уреди]

Листот на тиквата е крупен со долга дршка

Цвет[уреди]

Тиквата развива машки и женски цветови. Машките цветови се формираат на долги тенки дршки, додека женските се формираат на куси дршки и изгледаат како да се насадени на дршката.

Плод[уреди]

Плодот на тиквата е бобинка со сферична, елипсовидна, цилиндрична, сплескана крушко видна и др. Бојата на плодот е сортна особина и може да биде различна портокалова, жолта, бела. Плодот може да достигне тежина над 50кг.

Семе[уреди]

Семето на тиквата е елипсовидно, сплескано со различна големина. Семето на тиквата ‘ртливоста ја задржува 3-4 години.

Биолошки својства[уреди]

  • Топлина
  • Светлина
  • Вода
  • Почва

Агротехника[уреди]

  • Плодоред
  • Обработка на почвата
  • Ѓубрење

Користена литература[уреди]

  • Македонска Енциклопедија, проф. д-р Данаил Јанкуловски, Факултет за земјоделски науки и храна, Скопје, Тикви стр. 1484-1485, МАНУ, Скопје, 2009.