Те сакам, човеку

Од Википедија — слободната енциклопедија
Прејди на: содржини, барај


„Те сакам, човеку (I Love you, Man)“
I love you man ver4.jpg
Официјален постер
Режирано од Џон Хамбург
Продуцент Доналд де Лин
Џон Хамбург
Сценарист Џон Хамбург (сценарио) ; Лари Лин (приказна)
Настапуваат Пол Руд
Џејсон Сигел
Рашида Џонс
Музика Теодор Шарипо
Дистрибутер DreamWorks Pictures
Премиера 20 март 2009
Времетраење 105 мин.
Држава Flag of the United States.svg САД
Јазик англиски
Бруто заработка $$71,440,011

Те сакам, човеку англиски: I Love You, Man е американски комедијафилм од 2009 год. Филмот најпрвен беше промовиран како претпродукција во 2007, а со снимање започна во март 2008. Филмот премиерата ја доживеа на 20 март 2009 и веднаш ги освои позитивните критики од публиката и од филмските критичари.

Кратка содржина[уреди]

Питер само што се свршил со Зои и му се чини дека работите едноставно не можат да бидат подобро. Таквиот став трае сè додека не сфати дека во неговиот живот не постои никој кој би влегол во конкуренција за негов венчален кум. Тогаш му се обраќа за помош на својот брат и бара совет како да запознае нови пријатели. Советот е многу едноставен т.е дека мора да излезе на што повеќе состаноци. Со мажи, секако. И така Питер тргнува во потрага за „мажот од неговите соништа“, но после неколку катастрофални „состаноци“ се откажува од целата идеја. За да ги тргне мислите од својот проблем, Питер ѝ обраќа повеќе внимание на својата работа.

Тој е трговец на недвижности и на работата го запознава баш она што цело време го бараше. Неговото име е Сидни Фајф и тој е опуштено, симпатично и искрено момче кое на прв поглед му се допаѓа на Питер. После почетното запознавање, двајцата си разменуваат визит карти и се договараат дека ќе се најдат еден ден на пијалок. И така Сидни и Питер одат на “man date“, каде Питер, кој иначе и не е баш склон на алкохолот и забавувањето, поприлично се напива и се обидува да го следи темпото на Сидни. После првото зближување, тие двајца стануваат навистина најдобри пријатели. И баш кога на Питер ќе му се чини дека сè е на свое место, ќе се скара со Сидни и раскинува со Зои.

Актерска екипа[уреди]

Глумци Ликови
Пол Руд Питер Клавен
Џејсон Сигел Сидни Фајф
Рашида Џонс Зои Рис
Хаиме Присли Денис
Џејн Куртин Џојс Клавен
Енди Самберг Роби Клавен

Филмски критики[уреди]

Оцената на комедијата од критичарите гласи 80%, додека онаа на публиката е скоро максимална. Иако консензус критиката вели дека ова е едноставен и симпатичен наслов кој максимално ги користи сите свои потенцијали, но и понатаму ги има оние кои не се задоволни од виденото. Меѓу нив спаѓаат Los Angeles Times и Reel Views кои тврдат дека филмот потфрлил и дека единствено што нуди е излижениот хумор и предвидливото сценарио. Секако дека секој има право на свое мислење, но факт е дека негативните коментари овој пат се во помал број.

Надворешни врски[уреди]