Тава (дрво)
| Тава | |
|---|---|
 |
|
| Тава | |
| Научна класификација | |
| Царство: | Растенија |
| Оддел: | Скриеносеменици |
| Класа: | Дикотиледони |
| Ред: | Ловоровидни |
| Фамилија: | Ловори |
| Род: | Бајлшмидија |
| Вид: | Тава |
| Биномен назив | |
| Beilschmiedia tawa (A.Cunn.) Kirk |
|
Тава (науч. Beilschmiedia tawa) е новозеландско широколисно дрво кое вирее насекаде при крајбрежните краишта на централниот дел од земјата. Зборот „tawa“ е маорското име на дрвото. Тавата често е дрвото со доминантна крошна во ниските шуми на Северниот остров и североисточниот дел на Јужниот остров, но често создава и поткрошна во големите шуми ширум земјата под ножноплодестите како кахикатеата, матаито, мирото и римуто. Дрвото расте до 30 м или повеќе во височина, а пречникот на трупот му достигнува до 1,2 метри. Дрвото има мазна темна кора.
Тава дрвото дава мали, незабележителни цветови, а по нив и плодови со боја на темноцрвена слива и должина од 2-3,5 см. Со неговите големи плодови, ова дрво е познато по тоа што истото зависи исклучиво од птицата кереру (новозеландски гривјак) и (кога е таму), северноостровскиот кокако за разнесување на семето. Ова се единствените преживеани птици од првобитната новозеландска биота, доволно голема за да може да ги јаде овие семиња, да ги свари, а потоа да исфрли измет. Тавата исто така може да поддржува значајни епифитни градини под нивние крошни.
Населбата Тава во градот Велингтон го носи името на ова дрво.
Употреба [уреди]
Ова дрво е едно од ретките тврди дрва во земјата кои даваат добар дрвен материјал. Дрвото може да се употребува, меѓу другото, и за атрактивни и еластични дрвени подови. Во дивината овие дрва се забранети да се сечат, освен кога се самите паднати, и тоа со посебна дозвола.
Надворешни врски [уреди]
Извори [уреди]
- H.H. Allan, 1961. Flora of New Zealand Vol. 1. Government printer.
- J. Dawson and R. Lucas, 2000. Nature guide to the New Zealand Forest. Godwit.
