Субрата Рој

Од Википедија — слободната енциклопедија
Субрата Рој
Роден(а)10 јуни 1948(1948-06-10)
Арарија, Бихар, Индија
Починал(а)14 ноември 2023(2023-11-14) (возр. 75)
ЖивеалиштеЛакнау
НационалностИндиец
НародностБенгалец
Занимањеосновач и директор на групацијата Сахара Индија
Активен период1978 – сѐ уште
Познат(а) посопственик на Pune Warriors India, Grosvenor House, Aamby Valley City, Plaza Hotel, Dream Downtown Hotel
Родно местоЛакнау
СопружникСвапна Рој
Деца2
Страница
sahara.in/saharasri/

Субрата Рој (10 јуни 1948 - 14 ноември 2023)[1] е индиски стопанственик и сопственик на групацијата Сахара Индија.[2][3] Освен оваа компанија, имал сопственички удел и во крикет клубот Pune Warriors India, хотелите „Grosvenor House“ (Лондон) и „Plaza“ (Њујорк), туристичкото одморалиште „Aamby Valley City“, како и пакет акции од 42.5% во Формула 1 тимот Форс Индија.

Весникот India Today го рангирал за еден од 10-те најмоќни Индијци во светот.[4] Субрата ја основал „Сахара Индија“ во 1978 година,[5] а во 2004 бил прогласен за вториот најголем вработувач во Индија (позади „Индиски железници“) од страна на списанието Тајм.[6]

Рој бил голем спортски обожавател, и ги спонзорирал индиските репрезентации во хокеј и крикет.[7] Тој е исто така медиумски магнат, сопственик на ТВ каналот Samay (посветен исклучиво на вести), на еден неделен весник, како и на повеќе индиски регионални ТВ станици кои емитуваат програма со забавна содржина.

Неговата деловна дејност ја опфаќала туристичката агенција Сахара Травел,[8][9] приватна болница во Лакнау (со капацитет од 350 легла),[10] хотелот со 5 ѕвездички Сахара Стар во Бомбај (210 соби и 9 ресторани),[11] како и елитниот њујоршки хотел „Плаза“.[12]

Неговиот дом се наоѓа во градот Лакнау во сојузната индиска држава Утар Прадеш.

Инвестициските планови во Македонија[уреди | уреди извор]

Субрата Рој во два наврати ја посетил Македонија.[13] Притоа тој остварил средби со речиси целиот државен врв, вклучувајќи ги премиерот Никола Груевски, голем дел од министрите, охридскиот градоначалник Никола Бакрачески, како и претседателот Ѓорѓе Иванов.[14][15]

Според известувањата од Сител, Сахара Груп во следните три години ќе инвестира во агрокомбинатот Џумајлија околу 211 милиони евра, ќе вработи над 2000 лица и ќе изгради фабрика за добиточна храна и млекарница со фарма од 20 илјади грла говеда.[16] Субрата Рој изјави дека млечните производи ќе ги пласира во регионот, но сепак поголемиот дел ќе продава и на пазарите од Истокот и Северна Африка.[17] Освен тоа, Рој планира да гради и туристички комплекс на охридското крајбрежје, за чии потреби веќе го откупил хотелот „Славија“.[18] Тој најавил и дека е заинтересиран да гради споменик на мајка Тереза на плоштадот „Македонија“ во Скопје.[19]

Овие инвестициски планови наишле на негодување во одредени деловни,[20] црковни,[21] политички,[22] медиумски[23] и научни кругови.

Утрински Весник неодамна објави афера поврзана со овој стопанственик. Врховниот суд од Индија уште во 2012 година донел одлука со која побарал од двете фирми, „Сахара Индија недвижнини“ и „Сахара инвестиции за вдомување“ да вратат повеќе од 5 милијарди американски долари со камата. СЕБИ уште тогаш објави дека „Сахара груп“ должи 4,38 милијарди долари, а групацијата во меѓувреме уплатила само 934 милиони долари. „Сахара“ пак, тврди дека останатиот износ од 3,65 милијарди долари им го има вратено директно на две компании што купиле нејзини обврзници.[24]

Наводи[уреди | уреди извор]

  1. ↑ „Sahara India Pariwar“ (англиски). Sahara.in. 23 јануари 2013. Архивирано од изворникот на 2014-03-14. Посетено на 15 јули 2013.
  2. ↑ „Owner of Pune Warriors runs Sahara India Pariwar as managing worker“ (англиски). The Australian. 2010-05-06. Посетено на 15 јули 2013.
  3. ↑ „Subrata Roy Sahara“ (англиски). businessweek.com. Посетено на 15 јули 2013.
  4. ↑ „High and Mighty-2012“ (англиски). India Today. Посетено на 2012-04-07.
  5. ↑ „Subrata Roy Sahara“ (англиски). businessweek.com. Посетено на 2011-09-12.
  6. ↑ Perry, Alex (2004-12-06). „A Tale of Two Indias“ (англиски). TIME. Архивирано од изворникот на 2013-08-17. Посетено на 2011-08-05.
  7. ↑ „Sahara takes 15 shooters under wings - Times Of India“ (англиски). India Times.com. 2009-10-21. Архивирано од изворникот на 2012-09-02. Посетено на 2011-08-05.
  8. ↑ „Sahara Global launches travel show“ (англиски). The Economic Times. 6 август 2008. Посетено на 15 јули 2013.
  9. ↑ „Sahara Global launches 'Celebrate Life'“ (англиски). The Economic Times. 6 август 2008. Посетено на 15 јули 2013.
  10. ↑ „Nawabi Entry in Healthcare“ (англиски). Express Healthcare. 1 април 2009. Архивирано од изворникот на 2012-12-04. Посетено на 15 јули 2013.
  11. ↑ „Sahara group forays into hospitality sector“ (англиски). DNA. 19 јуни 2007. Посетено на 15 јули 2013.
  12. ↑ „New York's Plaza Hotel sold to Sahara for 570 million“ (англиски). Hindustan Times. 31 јули 2012. Архивирано од изворникот на 2014-01-28. Посетено на 15 јули 2013.
  13. ↑ „Субрата Рој повторно во посета на Македонија“. Бриф.мк. 23 јануари 2013. Посетено на 15 јули 2013.
  14. ↑ „Субрата Рој на средба со претседателот Иванов“. Курир. 25 јануари 2013. Архивирано од изворникот на 2013-01-28. Посетено на 15 јули 2013.
  15. ↑ „Рој денеска на средби со Иванов, Ставрески и Бакрачевски“. Економски.мк. 25 јануари 2013. Посетено на 12 јули 2013.[мртва врска]
  16. ↑ „20000 говеда во Џумајлиа планира Субрата Рој“. Сител. 13 јули 2013. Архивирано од изворникот на 2013-07-16. Посетено на 15 јули 2013.
  17. ↑ „Објавен договорот со Субрата Рој, индиецот дал банкарска гарнација“. Сител. 14 јули 2013. Архивирано од изворникот на 2013-07-16. Посетено на 15 јули 2013.
  18. ↑ „Субрата Рој: Комплексот во Охрид ќе биде меѓу најдобрите десет во светот“. МКД.мк. 24 јануари 2013. Архивирано од изворникот на 2013-05-27. Посетено на 15 јули 2013.
  19. ↑ „Субрата Рој пак во Охрид и Скопје“. Утрински Весник. 23 јануари 2013. Посетено на 15 јули 2013.
  20. ↑ „Стопанствениците скептични за најавите за инвестиции на Субрата Рој“. 24 Вести. 14 јули 2013. Посетено на 15 јули 2013.
  21. ↑ „Тимотеј: Субрата Рој е обичен мангуп!“. Плус Инфо. 12 јули 2013. Посетено на 15 јули 2013.
  22. ↑ „СДСМ се сомнева во инвестициите на Субрата Рој“. Алсат М. 15 јули 2013. Архивирано од изворникот на 2013-07-16. Посетено на 15 јули 2013.
  23. ↑ „Субрата како божји пратеник“. Утрински Весник. 10 јули 2013. Посетено на 15 јули 2013.
  24. ↑ „Субрата Рој главна тема и во Индија и кај нас“. Утрински Весник. 9 јули 2013. Посетено на 15 јули 2013.

Надворешни врски[уреди | уреди извор]

Нормативна контрола
Преземено од „https://mk.wikipedia.org/w/index.php?title=Субрата_Рој&oldid=5106239“