Светско наследство на УНЕСКО

Вo Списокот на светското културно и природно наследство на УНЕСКО влегуваат објекти (например гори, планина, езеро, пустина, зграда, град), номинирани и одобрени по меѓународната Програма за светското наследство на Комисијата за светско наследство на УНЕСКО. Програмата има за цел да каталогизира, именува и зачува објекти со културно и природно значење за општото наследство на човечкото наследство. Во определени услови, објектите од списокот можат да бидат финансирани од страна на Фондот за светско наследство. Програмата е создадена со Конвенцијата за зачувување на светското културно и природно наследство, која е подржана од генералната конференција на УНЕСКО на 16 ноември 1972. Одтогаш па се до денес, 183 држави ја ратифицирале конвенцијата. Кон крајот на 2006 во списокот имало вкупно 830 објекти: 644 културни, 162 природни и 24 „мешано“ значење, и тоа од 138 држави кои се членки на Конвенцијата. УНЕСКО на секој објект од списокот му дава идентификационен број.

Во Македонија, стариот град во Охрид е вклучен во списокот на УНЕСКО.

Список на светско наследство во светот

• Список на светско и културно наследство на Европа
• Список на светско и културно наследство на Азија
• Список на светско и културно наследство на Африка
• Список на светско и културно наследство на Америка
• Список на светско и културно наследство на Австралија