Социјалдемократски сојуз на Македонија

Од Википедија — слободната енциклопедија
Прејди на: содржини, барај

Социјалдемократски сојуз на Македонија
СДСМ
Водач Зоран Заев
Основана 17 април 1991
Штаб Скопје
Идеологија социјалдемократија
Меѓународна припадност Социјалистичка интернационала
Европска припадност Партија на европските социјалисти
Бои сина, жолта, црвена
Македонски парламент
34 / 123
Мреж. место
Служ. страница


Социјалдемократскиот сојуз на Македонија или кратко СДСМ е една од најголемите политички партии во Македонија. Партијата е формирана на 21 април 1991 и е наследничка на Сојузот на комунистите на Македонија. СДСМ е полноправна членка на Социјалистичката Интернационала и асоцијативна член на Партијата на европските социјалисти. СДСМ е партија со социјалдемократска ориентација и е дел од левиот политички блок во земјата.[1].

Историја[уреди]

Старото лого на СДСМ

Како посебна политичка партија СДСМ е оформена на 21 април 1991 година на XI Конгрес на СКМ-ПДП кога врз основа на иницијативата на Претседателството на ЦК СКМ–ПДП од 14 февруари 1991 година и предлогот на Централниот комитет на 23 февруари 1991 година е донесена и одлуката за промена на името од СКМ–ПДП во СДСМ.[2] На 07.06.2009 СДСМ во Охрид, покрај реформите во структурата изгласа и нов симбол на партијата. Низ својата историја СДСМ како претседатели ја воделе тројца македонски политичари, имала освоено три мандати, голем број градоначалници и двајца претседатели на Македонија од своите редови. До 2010 година, партијата има организирано десет конгреси и создадено две тела во рамките на партијата: Социјалдемократска младина на Македонија и Клуб на жени на СДСМ.

Претседатели[уреди]

Прв претседател на СДСМ, од нејзиното формирање до 2004 година бил Бранко Црвенковски. По неговиот избор за претседател на Република Македонија, за претседател на СДСМ е избран Владо Бучковски, а од ноември 2006 година на чело на партијата е Радмила Шекеринска[3]. На 7 јуни 2009 година за претседател на партијата повторно е избран Бранко Црвенковски. Во 2013, Црвенковски поднесува оставка од функцијата, и на негово место е избран Зоран Заев.

Отцепувања[уреди]

СДСМ има доживеано две отцепувања во својата историја. Првото се случи во 1993 година, кога се отцепи Петар Гошев, формирајќи ја Демократската партија, а второто во ноември 2005 година кога Тито Петковски, еден од дотогашните најистакнати членови на СДСМ, се отцепи од партијата и ја формира Нова социјалдемократска партија.

Изборни резултати[уреди]

Бранко Црвенковски, прв претседател на СДСМ.

СДСМ ги предводеше владите на Република Македонија во периодот од 1992 до 1998 и од 2002 до 2006.[4]

На парламентарните избори во 2002 година СДСМ освои 43 од 120 пратенички мандати во Собранието на Македонија како дел од коалицијата За Македонија заедно, предводена од Социјалдемократскиот сојуз за Македонија и Либерално демократската партија. По изборите коалицијата За Македонија заедно формира влада со Демократската унија за интеграција.[4]

На парламентарните избори во 2006 година СДСМ заедно со останатите партии членки на коалицијата За Македонија заедно освои 23.31% од гласовите и 32 пратенички мандати. Во прв ред поради отцепувањето на НСДП ова претставува најлош изборен резултат на СДСМ остварен на досегашните парламентарни избори.[4]

Како последица на поразот на парламентарните избори и на сериозните внатрепартиски превирања во периодот по изборите, дотогашниот лидер Владо Бучковски ја загуби поддршката меѓу членовите на Централниот комитет на партијата. На 5 ноември 2006 година, на вонредниот конгрес на СДСМ, лидерската позиција ја презеде Радмила Шекеринска. На седмиот конгрес на СДСМ за вд претседател е избран Зоран Заев. Тој ќе ја врши должноста претседател на СДСМ се до враќањето на Бранко Црвенковски на претседателското место во мај 2009 година. На 24 мај 2009 Бранко Црвенковски повторно застанал на чело на Социјалдемократскиот Сојуз.[4]

Наводи[уреди]

Поврзано[уреди]

Надворешни врски[уреди]