Скорпија

Од Википедија — слободната енциклопедија
Прејди на: содржини, барај
Скорпии
Азиска шумска скорпија (Heterometrus spinifer) во Тајланд
Научна класификација
Царство: Животни
Колено: Членконоги
Потколено: Клештари
Класа: Пајаковидни
Поткласа: Брзоноги
Ред: Скорпии
К. Л. Кох, 1837
Натфамилии

Buthoidea
Chaeriloidea
Chactoidea
Changster
Iuroidea
Scorpionoidea

Скорпиите се осумножни членконоги, членови на редот Scorpiones. Можат да се најдат во тропските и суптропските предели. Постојат повеќе од 1400 различни видови. Најголем претставник е империјалната скорпија (Pandinus imperator) од западна Африка која е долга 21 cm. Најмалите видови се долги само неколку mm. Меѓутоа, за време на Силур и Девон постоеле џиновски водни скорпии долги и до 2 m.

Морфологија[уреди]

Опашниот дел на скорпиите, кој е најчесто составен од пет сегменти, завршува со отровна боцка. Педипалпите се големи и завршуваат со клешти. Забележано е дека потенцијалот на отровот е обратнопропорционален со големината на нивните клешти. Ова значи дека доколку се помали клештите, толку е посилен отровот на скорпијата. Некои видови поседуваат отров кој би можел да убие човек. Во принцип, отровот на скорпиите е од невротоксична природа. Боцката на крајот од телото може да се користи за парализирање на пленот, но нејзината примарна функција е одбранбена.

Скорпиите имаат помеѓу три и шест пара на прости очи сместени околу нивниот карапакс, давајќи им можност за гледање во повеќе насоки, како и пар на сложени очи кои се ориентирани кон напред. Меѓутоа, многу скорпии имаат слаб вид, а некои се и слепи.

Однесување[уреди]

Скорпиите се многу издржливи животни. Тие можат да се вратат во живот по смрзнување од неколку недели, а исто така преживуваат и потопување за време од два дена. Некои видови, пак, можат да издржат без храна и до една година. Скорпиите се и долговечни животни (некои достигнуваат и 30 години). Некои видови можат да произведат шуштечки звук со помош на триењето на нивните клешти од нозете.

Сите скорпии се ловци и можат да детектираат слетување на бумбар или треперење на крила од еден инсект на растојание од повеќе од 1 m, но повеќето видови преферираат да го чекаат пленот пред да го нападнат.

Скорпија со своите млади кои ги носи на својот грб.